الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

بعد إصابة رامي جمال بـ”البهاق”.. تامر حسني: “مايكل جاكسون جاله نفس المرض وبقى أسطورة”

القاهرة 24
فن
الإثنين 11/نوفمبر/2019 - 12:59 م

وجه نجم الجيل تامر حسني، رسالة مؤثرة للنجم رامي جمال والذي أعلن أمس إصابته بمرض البهاق منذ فترة، مشيرًا إلى تفكيره في اعتزال الفن حال عدم تقبل الجمهور له بعد هذا المرض.

وقال له تامر حسني فى منشور له على موقع التواصل الاجتماعي “فيس بوك“: “إلى الفنان الكبير والصديق الحقيقي و المحترم رامي جمال يا حبيبي انت فنان كبير و محبوب و ليك قيمتك وكل الناس بتحبك ومفيش حاجه هتعطلك عن نجاحك، و تعبك دا لاهو مؤذي ولا مُعدي و كل الناس جواها تعب في منه اللي ظاهر وفي اللي مش ظاهر حتى لو كان تعب نفسي أو مادي كل شخص جواه وجع من حاجه معينه”.

وأضاف حسني: “المهم اننا نبص ونتعلم من اللي ظروفهم أصعب مننا ورغم كدا عندهم صبر وينجحوا في الإختبار وبيقولوا الحمد لله ومكملين وعندهم إرادة وينجحوا اكتر من الاول لازم تكمل نجاح يا رامي و شيل أي هلاوس من دماغك و اوعى تخبى نفسك اللي بيحبك بيحبك لشخصك ولفنك”.

بعد إصابته بالبهاق.. رامى جمال يوجه رسالة مؤثرة لجمهوره

ووجه حسني نصيحة لرامي جمال قائلًا: “صدقني دي حاجه عاديه يا رامي والله ملهاش أي تأثير لا عليك ولا على جمهورك بالعكس بقى انت اكيد شايف الناس كلها طيبين ازاي ونفسهم يفرحوك وبعدين افتكر ان مايكل چاكسون جاله نفس اللي جالك و بقى اسطوره مبتتكررش خالص وانت فنان وعارف، أنا واثق انك مؤمن و بتحمد ربنا وهتقوم وهتكمل وهفكرك قدام كل الناس اللي شايفه كلامي انك هتنجح اكتر واكتر وربنا هيكرمك أجمل كرم وهتشوف قريب”.

رامي جمال يُعلن انتهاءه من تنفيذ جميع أغاني ألبومه الجديد

تابع مواقعنا