زوجة رامي جمال تطمئن جمهوره: “مفيش حاجة ياجماعة الراجل زي القمر” (صور)

نشرت ناريمان زوجة رامي جمال صورة لها برفقة زوجها عبر موقع الانستجرام، طمأنت من خلالها جمهور رامي بعد إعلان إصابته بـ”البُهاق” مؤخرًا، الأمر الذي جعله يُفكر في الاعتزال.

وكتبت ناريمان عبر انستجرام: “روح قلبى واغلى حاجة فى حياتى جوزى وسندي وصاحبى وحبيبى واللى عدينا أسوأ وأصعب مواقف وقدرنا نعديها و احنا بنسند بعض، كل ابتلاء بتعدى بيه عارفه انك قدة وكنت بشوفك قد ايه مؤمن وراضي، وكنت بتدينى ١٠٠ درس في الإيمان بقضاء ربنا وبرضاك دايما وبكلمة الحمدلله اللى مبتفارقش لسانك”.

وأضافت: “بحبك وهفضل طول عمرى بحبك واتعلم منك، بالنسبة للناس اللى بتبعتلى ان دا أصل منى إنى واقفة جانبه، لو التعليقات اللى شبه دى -ومشكورين طبعا جدا عليها- بس هو اصلا مفيش حاجة الراجل زى الفل وزى القمر وانا ليا الشرف أنه اختارني اكون جانبه واتشرف بى وبنجاحه”.