حوار بين وزير النقل وكمساري قطار أبو قير بسبب الغرامات و”التزويغ” من التذاكر (فيديو)

دخل الفريق مهندس كامل الوزير، وزير النقل ، في مشادة كلامية مع أحد كمسارية قطار أبو قير بالإسكندرية، بعد الحديث عن الغرامات التي طبقتها الوزارة بشأن الهروب من دفع ثمن التذاكرة.

وأبدى الكمساري اعتراضه على قيمة الغرامات المطبقة من الوزارة، ليهاجمه الوزير قائلًا: “أنت معترض على الغرامة يبقى أنت عاوز الناس تزوغ يبقى كده أنت مبتحبش بلدك”.

وتابع وزير النقل: “الغرامة كانت نصف جنيه، فلو انت بتحصل غرامات لـ10 أشخاص يبقى بتحصل 5 جنيه نصيبك منها 40% يعني 2 جنيه.. لو انت خدت 10 غرامات بـ5 جنيه يبقى الحصيلة 50 جنيه يبقى نصيبك منهم 20 جنيه”.

وأضاف كامل الوزير: “الغرامات اللي زادت انت استفدت منها والناس لازم تعرف أن الكمساري بياخد 40% من الغرامة والقطر بياخد 60% مقابل أنه يجيب حق التذكرة للدولة”.

شاهد مشادة بين وزير النقل وكمساري قطار أبو قير

واختتم الوزير: “امتى هلغي التزوير في التذاكر والامتناع عن دفع ثمنها؟ لما كل الكمسارية يكونوا مقتنعين باللي بنقوله”.

ويجري الفريق مهندس كامل الوزير، وزير النقل، جولة تفقدية داخل داخل قطار أبو قير بمحافظة الإسكندرية، حاليًا، للوقوف على حالة القطار وإجراء لقاء مع العاملين به.

الوزير يُجري معاينة واقعية لمحاولة غلق باب قطار أبو قير

وفى ذات السياق، ناقش وزير النقل وأحد الكمسارية عن غلق باب القطار أثناء السير، ليرد عليه الأخير: “مبيتقفلش”.

ورد كامل الوزير على الكمساري: “احنا لازم نعاني شوية وده قدرنا.. بس طول ما في باب في القطر لازم يتقفل.. لو راكب نزل ومقفلش الباب وأنت معدي أقفله وقول للراكب لو سمحت أقفل الباب.. هيتعلموا”.