أول فتاة تفوز برئاسة اتحاد جامعة القاهرة: “إحنا نقدر نعمل أي حاجة” (فيديو)

قالت دارين محمد خليل، رئيس اتحاد طلاب جامعة القاهرة، وطالبة بالفرقة الثالثة بكلية الاعلام، إن الفتيات استطعن الوصول إلى أعلى المراتب، وكان ذلك دافعا لها بأن تترشح لرئاسة اتحاد طلاب جامعة القاهرة.

وعند سؤال دارين عن خطتها وبرنامجها بشأن اتحاد الطلاب، ردت قائلة: “مافيش خطة أو برنامج واضح، لكن اللي أقد أقوله هو إن هدفنا كمجلس الاتحاد إننا نوصل للطلبة وهما محتاجين إيه، مش اللي يناسبهم من وجهة نظرنا، إيه الحاجات اللي بتسعدهم فنزود منها، وايه اللي بيضايقهم فنحاول نقضي عليها”، مؤكدة أن ذلك لن يتم إلا بمساعدة الدكتور محمد عثمان الخشت، رئيس جامعة القاهرة، وأعضاء هيئة التدريس، ورعاية الشباب الموجودة في الكليات.

وأشادت دارين، بنظام وكفاءة كلية الاعلام وبالتعامل بين الطلاب وعميد الكلية، وذلك عند سؤالها عن كيفية تقليل الفجوة بين الطلاب وعمداء الكلية، وأضافت قائلة: “أظن أن عمداء باقي الكليات على نفس الكفاءة، ولكن لو اتقدمت مشاكل من الكليات هاروح لعميد الكلية وأتكلم معاه ونحاول نحل المشكلة، وإن شاء الله أقدر أوصل صوتهم ولو لرئيس الجامعة، أنا معاهم وإن شاء الله نحقق كل اللي محتاجينه”.

وفي الختام وجهت دارين محمد خليل، رئيس اتحاد طلاب جامعة القاهرة، رسالة من خلال القاهرة 24، للفتيات قائلة: “ماتصدقيش أي حد يقولك إن في حاجة معينة مستحيلة، سواء كانت داخل إطار الجامعة أو خارجها، أنا وصلت للمكان ده النهاردة وإن شاء الله مش هابقى آخر بنت، وأتمنى إن انتوا تكملوا من بعدي، ماتسيبوش المجال مفتوح بس للولاد، احنا نقدر نعمل أي حاجة، فكملوا”.