الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

السيسي: “محدش بيغير المنكر ويرفضه.. الناس قاعدة بتتفرج وساكتة”

القاهرة 24
أخبار
الثلاثاء 03/ديسمبر/2019 - 02:42 م

طالب الرئيس عبد الفتاح السيسي، كل مواطن أن يسأت نفسه هل يحب مصر وهل لديه أي دليل على ذلك، مشيرًا إلى أن حب الوطن ليس بالكلام، ولكنه أن عظيم يجب أن يقترن بدلائل.

وأضاف السيسي خلال حديثه عن بحيرات مصر، أثناء افتتاح عدد من المشروعات القومية بدمياط، أن بحيرة المنزلة شهدت تطورًا كبيرًا، قائلًا: “سأنتهز فرصة افتتاح المشروعات للحديث عن ما حدث في المنزلة، لإنه كان فيه تصورات من البعض إننا هنقطع عيشه.. احنا بنتدخل في مشروعات محدش في 100 سنة فكر يقربلها من الدولة، مش من 60 بس، والحاجات دي كانت متسابة للي عاوزر يعمل حاجة”.

واستكمل الرئيس: “الناس بتتناول المسائل بشكل مش عارفين الحكاية، إيه اللي بيتعمل في الدولة.. والله اللي بيتعمل فيكي يا مصر لم يخطر في بال حد، وده قسم عظيم، الناس مش عايزة تغير وقاعدة تتفرج وتبص وهي ساكتة، محدش بيغير المنكر ويرفضه، انت بتقول كده ليه بسجل ليكوا انتوا بتعملوا إيه لبلدكم”.

وأضاف السيسي:”إحنا هنرجع كل بحيرات مصر مش زي ما كانت ولو انها كلمة مش دقيقة، ولكن هنرجعها زي ما كتاب البحيرات بيقول، وزي ما العالم المتقدم بيخش يعمل في بلده هنعمل”

وأردف: “البحيرة دي لما تخلص هتشوفها قصة تانية.. وأنا بقولها للمسئولين والإعلام، لإن الناس بتاخد الأمور مش بشكلها الحقيقي، مش لإنهم بيخفوا الحقيقة، بس لإنهم مش عارفينها كاملة”.

يُذكر أن الرئيس عبد الفتاح السيسي، يفتتح اليوم الثلاثاء، عددًا من المشروعات التنموية والخدمية في محافظة دمياط، أبرزها مدينة دمياط الجديدة للأثاث، على مساحة 330 فدانًا، ومحطة البضائع متعددة الأغراض في ميناء دمياط، وفندق اللسان برأس البر وهو أكبر فندق بالمحافظة وأول فندق في الدلتا، وتم تشييده بمنطقة التقاء البحر والنهر بأحد البقاع الساحرة على مستوى العالم، على مساحة 4200م2 ويضم 142 غرفة و15 جناحًا، وتديره واحدة من كبرى الشركات العالمية المتخصصة في إدارة الفنادق.

ويفتتح الرئيس السيسي أيضًا، مركز التعليم المدني للمؤتمرات ومحطة كهرباء غرب دمياط، والتي تعد جزءًا من إنهاء أزمة الكهرباء بالمحافظة وتوسعات محطة الصرف الصحي في رأس البر، وعددًا من مشروعات الإسكان منها مشروع دار مصر والإسكان الاجتماعي.

تابع مواقعنا