السيسي: “والله اللي بيتعمل فيكي يا مصر ميخطرش على بال حد”
أكد الرئيس عبد الفتاح السيسي، أن ما يجري فى مصر حاليا يشهد طفرة كبيرة، قائلا: “والله والله والله اللي بيتعمل فيكي يا مصر ما يخطرش على بال حد.. وأنا بحلف”، متابعًا: “الناس بتتكلم ومفيش أمل ومفش حلم، الناس مش عاوزة تتغير، قاعدة تتفرج وتبص وهي ساكتة محدش بيغير المنكر”.
وأضاف السيسي خلال كلمته في افتتاح عدد من المشروعات القومية في دمياط، “أنا بسجل ليكم عشان تعرفوا قدام اللي بيتعمل، وبناء الدولة بيكون كده”، متابعًا: “اللي إحنا بنعمله والأرقام المدفوعة متواضعة، مقارنة بالعدد الذي عرض”.
وتابع الرئيس السيسي: “اللي بنعمله في البحيرة، وباقي البحيرات، وبقول لزمايلي في الدولة، وكل الموطنين والمحافظين، البغاز لو اتنسى ومتطهرش إنتاج البحيرة هينخفض، بناء الدولة مش كده، أي محافظ قاعد فهو مسئول عن البغاز، عشان سير المياه يفضل زي ما هو”.
ووجه السيسي، رسالة للإعلاميين: “وأنا بقول للإعلاميين الحكاية كبيرة قوي قوي، وعشان كده نتصدى ببناء وعي حقيقي للحفاظ على بناء مصر والمصريين.. هو إنتم لما تقولوا بنحبها دليل حبكم إيه؟”.
السيسي يفتتح عددا من المشروعات القومية في محافظة دمياط
يفتتح الرئيس عبد الفتاح السيسي، عددًا من المشروعات القومية الجديدة، على أرض محافظة دمياط، بحضور عددًا من الوزراء والقيادات التنفيذية والشعبية.
وصل منذ قليل، الرئيس السيسى، إلى مقر افتتاح تلك المشروعات الجديدة، وكان في استقباله المهندس مصطفى مدبولي، رئيس الوزراء، ومحافظ دمياط.
السيسى يصل محافظة دمياط لافتتاح عدد من المشروعات الهامة
يُذكر أن الرئيس عبد الفتاح السيسي، يفتتح اليوم الثلاثاء، عددًا من المشروعات التنموية والخدمية في محافظة دمياط، أبرزها مدينة دمياط الجديدة للأثاث، على مساحة 330 فدانًا، ومحطة البضائع متعددة الأغراض في ميناء دمياط، وفندق اللسان برأس البر وهو أكبر فندق بالمحافظة وأول فندق في الدلتا، وتم تشييده بمنطقة التقاء البحر والنهر بأحد البقاع الساحرة على مستوى العالم، على مساحة 4200م2 ويضم 142 غرفة و15 جناحًا، وتديره واحدة من كبرى الشركات العالمية المتخصصة في إدارة الفنادق.
ويفتتح الرئيس السيسي أيضًا، مركز التعليم المدني للمؤتمرات ومحطة كهرباء غرب دمياط، والتي تعد جزءًا من إنهاء أزمة الكهرباء بالمحافظة وتوسعات محطة الصرف الصحي في رأس البر، وعددًا من مشروعات الإسكان منها مشروع دار مصر والإسكان الاجتماعي.
