أبناء شعبان عبد الرحيم يغنون “وصيني يابا” ذكرى لوالدهم (فيديو)
قدمت الإعلامية لميس الحديدي فقرة خاصة عبر برنامج ” القاهرة الآن”، المذاع على فضائية “العربية الحدث”، عن الفنان الراحل شعبان عبد الرحيم، حيث استضافت فيها ابنائه والكاتب إسلام خليل، كاتب أغاني الراحل للحديث عنه وعن الذكريات والناقد الفني طارق الشناوي.
وغنيا عصام وخميس أبناء الراحل شعبان عبد الرحيم، إحدى الأغاني التي غناها من قبل، وتحمل اسم “وصيني يابا”، قائلا: “وصيني يا با وكلامك على عيني .. مين بعد منك يا أبويا راح يوعيني .. أوعي لنفسك بقي وكفايا يا ابني شقى .. غلبت يا با خلاص وعشرت كل الناس .. وصاني أبويا أمشي كويس في وسط بلدي أكون ريس .. امشي بأدبي مع أصحابي وهو ده يبقي منابي .. خد بالك يا ابني من الزمان ومتدلوش يا ابني أمان .. أرضى بنصيبك في الدنيا ولا تنمش في يوم زعلان بس خلاص”.
وفي نفس السياق، كتب الشاعر إسلام خليل، قصيدة رثاء للمطرب الشعبي الراحل شعبان عبد الرحيم، قائلا: “عم شعبان يا عم شعبان .. إيه يا عم روحت فين ليك كام يوم مبتسألش وأنا متعودتش على بعدك يا عم بقي رد متتقلش.. أنا متعود كل دقيقة أسأل عنك تسأل عني يا بنتكلم يا بنتقابل يا أنا بكتبلك وأنت تغني”.
وأضاف خليل خلال لقائه ببرنامج “القاهرة الآن”، المذاع على قناة “الحدث”،: “يا عم رد يا أتكلم مسي عليا صبح سلم .. متفكرش الموت بيفرق ولا بيبعد ناس عن ناس .. لا ده أنا شايفك سامعك حاسك وما بينا مفيش بس خلاص يا عم شعبان .. الميت مش معني سكوته يعني انتهى ومعاتش يبان لا الجدعان مش بيموتوا وأنت جدع وأبو الجدعان .. يا عم شعبان انت عايش اللي زيك مش بيموتوا العزيز أبو قلب طيب مبتنسهوش وانت عايش فيا صوتك.. يعني مش هتفرقنا موتك وقلبي ساكنة روحك مش هتبعد ولا تفارقني .. مين هيجي معايا أسجل وأما أروح ألاقيه سابقني .. يا عم شعبان ده أنت الغالي اللي عمره ما راح عن بالي، اللي بيسأل عني يوماتي وبيطمن على أحوالي.. ياللي حب الناس رصيدك ياللي سيرتك أحلى سيرة نفسي أوطي وأبوس على أيدك وأسمع منك دعوة جميلة .. يا عم رد يا عم أتكلم يا عم صبح يا عم شعبان”.
يذكر أن الفنان الشعبي شعبان عبد الرحيم، قد غيبه الموت في يوم 3 ديسمبر الجاري، المطرب الشعبي المصري عن عمر يناهز 62 عاماً.
