هاجيلكم أنا وولاد رزق.. عمرو يوسف يوجه رسالة لأطفال تنمروا من صديقهم بالمدرسة (فيديو)

التقى النجم عمرو يوسف، بطفل يُدعى ياسين، والذي تعرض للتنمر من أصدقائه بالمدرسة، التي انتقل لها مؤخرًا، وذلك في الجيم.

ونشر يوسف فيديو له مع الطفل، عبر صفحته الرسمية بـ”فيس بوك”، قال فيه: “مساء الخير أنا في الجيم انهارده، وقابلت ياسين أحمد في الصف السابع، وهو لسه ناقل مدرسته جديد”.

وتابع: “ولما قابلته لقيته قاعد مضايق قولتله مالك؟ قالي عشان جديد في المدرسة فبيتلموا عليا وبيضربوني، فأنا بقولكم تاني لو حد زعل ياسين هجيلكم بنفسي المدرسة، ومش هاجي لوحدي هاجي أنا وولاد رزق كلهم”.

وعلق “يوسف” على الفيديو: “في بعض الأحيان بيكون صعب تفهم طفل متنمر مدى قسوة وصعوبة التنمر على نفسيات الآخرين.. عشان كده جزء كبير من اللوم بيكون لأهل المتنمر اللي المفروض يفهموه وأحيانا يعاقبوه على تنمره (للأسف في أهالي بتسعد بأولادها المتنمرين وبيعتبروا ده قوة شخصية”.

عمرو يوسف لعمرو دياب: “كل سنة وأنت الهضبة” (صورة)

وأضاف: “التنمر مشكلة كبيرة بتؤدي لمشاكل ممكن تفضل مع الطفل لحد ما يكبر وتؤثر على سلوكياته في محيط شغله وعائلته، أرجوكم فهموا أولادكم إن التنمر زيه زي السرقة والخيانة، وبالبلدي التنمر مش مجدعة ولا رجولة، ملحوظة: استأذنت والد ياسين قبل نشر الڤيديو”.

عقبات في رحلة عمرو يوسف لتجسيد “خالد بن الوليد” برمضان 2020