بعد وفاتها بأيام.. حسام داغر يحيي ذكرى ميلاد والدته بكلمات مؤثرة (صورة)

أحيا الفنان حسام داغر ذكري ميلاد والدته، بعد أسبوع من وفاتها، بعدما توفيت فى ساعة متأخرة من مساء يوم الأربعاء الماضي الموافق 15 يناير، عن عمر يناهز 58 عاما، بعد صراع مع المرض بإحدى المستشفيات، وتم تشييع الجثمان يوم الخميس الموافق 16 يناير الماضي.

وبكلمات مؤثرة عبر داغر عن مدي حزنة لفراقها، حيث نشر صورته تجمعه بوالدته عبر حسابة الشخصي بموقع التواصل الاجتماعي” فيس بوك”، وعلق عليها، قائلا:”

بكره السبت ٢٥ يناير عيد ميلادك في الجنه يا امي ..اول مره منكونش سوا بس انا حاسس انك في مكان احسن ، حلمت بيكي و احنا في الطياره سوا رايحين الحج زي ما روحنا من سنتين و انتي بتقوليلي عاوزة انام و غطيتك في الحلم و اكتشفت انك اخر حاجه كتبتيها دعاء النوم من حوالي شهر عرفت انك بتطمنيني”

وأضاف :”بكره عيد ميلادك هنعمل ختمة تاني ليكي للمصحف عندي في البيت الساعه 6 هنتجمع انا و كل حبايبك الي حابب يشارك معانا كل واحد هيقرا جزء يبعتلي وانا هرسله العنوان في بيتي في الشيخ زايد”.

واختتم داغر حديثة موجة الشكر لكل من وقف بجانبة في محنته قائلا:”بشكر كل الي وقفوا معايا من اول دكتور أشرف زكي الي مسابنيش من قبلها بيوم و هو معايا يوميا لحد ما خلصنا العزا و استاذي خالد جلال و كل حبايبي و الغاليين علي قلبي الي بيحبوها الي جم و لسه بييجوا البيت كل يوم وواقفين جمبي .. الدنيا لسه بخير “.

وفي قت سابق حرص عدد من النجوم من أصدقاء حسام على التواجد في تشييع الجنازة، في مقدمتهم نقيب المهن التمثيلية أشرف زكي، وأوس أوس نجم مسرح مصر، وحمزة العيلي والمخرج أحمد البدري، والفنان الشاب أحمد سعد ومحمد علي رزق وأحمد صلاح حسني كما حضر العزاء العديد من النجوم أبرزهم نرمين الفقي وأحمد فتحي ومحمد سلام ومروة عبد المنعم ومنال سلامة.

وفي وقت سابق، طالب الفنان حسام داغر جمهوره بالدعاء لوالدته، بعد تعرضها لأزمة قلبية أمس، ودخولها أحد المستشفيات بمدينة السادس من أكتوبر.

انهيار حسام داغر أثناء تلقيه عزاء والدته بمسجد الشرطة في الشيخ زايد 

ونشر داغر صورة لوالدته، عبر حسابه الرسمي بموقع “انستجرام”، وعلق: ”يارب ما حيلتيش غير الدعاء ليكي من امبارح بايت في الشارع قدام المستشفى وبدعي وحاسس إن ربنا سامعني، الدكاتره بيقولوا إنهم بيعملوا إلي يقدروا عليه خصوصًا بعد توقف عضلة القلب الصبح، ورجعتي تاني حتى في عدم وجود الضغط، وقالوا إن زي ما أنا و أخواتي متمسكين بيها هي كمان متمسكة بينا وفي الحياة، وطلب مني أدعي لأنها بين الحياة والموت”.

تابع داغر: ”وحياة أغلى ما عندكم اللي يقدر يدعي بيغير القدر زي المره الي فاتت كانت اتحسنت شويه وفاقت من الغيبوبة وبصت وضحكتلنا وعرفتنا، أستحلفكم بالله الدعاء ودي آخر مرة أطلب فيها حاجة من أي حد، يارب يارب شوفو ضحكتها زي الأطفال إزاي.. يا رب يا رب خليك جمبي”.