المصور يروي كواليس حضن أب لابنته على شريط السكة الحديد لينقذها من الدهس بالإسماعيلية (فيديو)
كشف محمد أشرف، طالب بالفرقة الثانية بكلية التجارة جامعة الإسماعيلية ومصور فيديو حضن أب لابنته على شريط السكة الحديد لينقذها من الدهس، تفاصيل ما حدث أمس في تمام الواحدة إلا خمس دقائق ظهرًا داخل محطة الإسماعيلية للقطار، حيث كان في طريقه للمنزل بعد خروجه من الجامعة.
وأضاف في تصريحات لـ”القاهرة 24“، أن القطار كان ميعاده الواحدة إلا عشر دقائق ظهرًا، وكان برفق صديقه واقفين على الرصيف الثاني، ويوجد قطاران، أحدهما للركاب والآخر للبضاعة.
وتابع: “الناس تمر عادي عشان تعدي للرصيف الثاني، وهنا جاءت البنت تعدي للرصيف الآخر الموجود فيه القطر اللي راكبين احنا فيه، وجت البنت نزلت من القطر وعدت منه عشان تركب القطر الثاني، فلما نطت من القطر، جه القطر بتاع البضاعة طلع فعمل صوت فهي اتخضت واترمت جنب العجل بالظبط والقطر اتحرك وقتها، راح أبوها واقع وخدها في حضنه عشان خاطر يحميها ومكنش في سنتيمتر بينها وبين عجلة القطر”.
حضن أب لابنته على شريط السكة الحديد
وأردف مصور الفيديو، أن البنت فقدت وعيها لذلك أخذها والدها في حضنه لحمايتها، مبينًا أن القطار كان متجهًا من الإسماعيلية للقاهرة مرورًا بالتل الكبير وأبو حماد والزقازيق وبنها.
ويستكمل مصور الفيديو: “بعد ما طلعت ركبوا القطر معانا ورحت مقعدها مكاني هي وأبوها، نفسيتهم كانت تعبانة لكن أبوها عارف ربنا وملتحي، قعد يقرأ قرآن وسلم أمره لربنا وهو اللي حماها، نفسيته كانت تعبانة وهي اتعورت في صباعها تعويرة بسيطة، هي موقفتش على رجليها وباباها شالها، الشرطة بعد الواقعة بهدلوا الدنيا وكانوا عاوزين يعملوا محضر لكن احنا ركبناهم القطر عشان كان بيتحرك أصلًا”.
أب يحتضن ابنته ويلقي بنفسه أسفل عجلات القطار لإنقاذها (فيديو)
