وليد منصور يطالب “المهن الموسيقية” بإعطاء تصريح مؤقت لمطربي المهرجانات (صورة)

وجه المنتج ومنظم الحفلات وليد منصور، العديد من النصائح الخاصة لمطربي المهرجانات، هذا إلى جانب تقديم اقتراح لنقابة المهن الموسيقية حتي لا تكون السبب في تحقيق خسائر لمطربين المهرجانات وتجعلهم يتجهون لأي طريق آخر.

وكتب “منصور” عبر حسابه الشخصي على “فيس بوك”: “علشان في جمل زي دي الفضول عند المستمع إنه يسمع الكلام ده ونجحت أغانيهم بس لو ركزنا من 70 أغنيه أو أكثر نجح 7 أغاني”.

وأضاف: “بس هما كل يوم ينزلوا أغنيه وانت وبختك وكان الأكثر منهم تميز شاكوش علشان ديما الكوبليه بتاعه يكون في جمل، زي (هاتلي فوديكا وشيفاز ويلعن ابو الجواز) وجمل زي دي كتير، لحد ما نجحت أغنيته الأخيرة اللي لحنها مسروق من أغنيه حاجه مستخبيه للنجم محمد حماقي والملحن مدين واللي برضه فيها جمل لا تصح زي (تسبيني اشرب خمور وحشيش)، ومع إن الأغنية حلوة وناجحة جدا.

وتابع: “وللأسف نجاح الأغاني دي بيكون من تريقة طبقة معينة على هذه الأغاني وتفاعلهم عليها في أماكن السهر”.

وأردف: “مع إن عمر كمال تقريبا خامه يطلع منها نجم وشاكوش صوته قوي بس لازم يبطل صريخ ولازم يستغل إن ربنا شاور عليه يغير من اختياره كلامه ونشوف هل لو هينجح لو عمل أغنية لوحده من غير وجود اَي حد تاني، ملحوظة شاكوش زمان عمل أغنيه برضه أشكرك أوعدك كانت حاجه يعني مش قادر اتكلم”.

وأوضح: “زي ما أوكا وأرتيجا نجحوا في كمان حمو بيكا نجح بس هو مش مطرب هو كمان نجاح الأغاني علي نجاح المجموعة وجهه نظري انتم نجحتم كده خليكم كده لحد ما نشوف هنروح على فين، زي فريق الصواريخ، عملوا أغنيه لا لا، وأغنيه بحر مالح بس مش كل يوم أغنيه والفتره جايه الناس هتشوفهم بشكل مختلف مفيش في كلام مسف او موسيقي صاخبة، لازم نعترف إن شكل موسيقي المهرجان نجح والناس دي كلها بقه نجوم بس أداء، هما مش مطربين”.

وألمح: “أتمنى من نقابة تجتمع بكل المهرجانات وتشوف مين ينفع يكمل وياخد تصريح سنه بشعبه مؤقته ونشوف بعد سنه هما كلامهم وموسيقى راحت فين علشان برضه مينفعش نقطع عيش حد ممكن بجد يكون مشروع نجم في عالم المهرجانات”.

وليد منصور ينتهي من تصوير “كوكو واوا” لفريق”الصورايخ” بعد تعاقدهم معه

ووجه نصيحة للمطربين قائلا: “أطالب السادة المطربين عدم التركيز من قريب أو من بعيد في المهرجانات فقط استمروا في تقديم أغانيكم علشان هي اللي بدوم، زي ما نجح عندما الغناء الشعبي زمان علي أيد عّم أحمد عدويه، وطلع لون بعده شعبان عبدالرحيم ونجح ثم النجم حكيم ولحد الآن رقم ١ والجيل الجديد، الموهوب الليثي وبوسي وأمينه وشيبة. وغيرهم”.

وأضاف: “ده مش اكتر من كلام قولته لما شفت إن بجد في زيادة عن اللزوم في نجاح الأغنية، مع إن نجاحه الأساسي اللحن المتاخد واختلاف شكل صوت عمر عن شاكوش وبعض الجمل هو سبب ده وعدم حصول عمر كمال علي نفس الدعم اللي حاصل من حسن شاكوش، وألف مبروك ليهم نجاح الأغنيه علشان هي نجحت كده كده”.