“أظهرت جمالها وسحرها”.. تامر حبيب يبدي سعادته لحضور يسرا حفل توزيع جوائز الأوسكار (صور)
عبر الكاتب تامر حبيب عن سعادته، لحضور النجمة الكبيرة يسرا، حفل توزيع جوائز الأوسكار بالدورة الـ92 لعام 2020، والذي أقيم صباح اليوم بمسرح “دولبي” بحي هوليود بمدينة لوس أنجيليوس.
ونشر صورة ليسرا من على “الريد كاربت” الخاص بالحفل، بالإضافة لصورة تجمع بعضا من فريق عمل فيلم “parasite” فيلمه المفضل، والذي حاز على جائزة أفضل فيلم، عبر حسابه الشخصي على موقع تبادل الصور والفيديوهات القصيرة “انستجرام”.
وعلق على الصور قائلًا: “الحقيقة عندي أسباب كتير مخلياني فرحان جداً بحفلة الأوسكارز امبارح.. يسرا وجمالها وسحرها والجوائز كلها عامةً، وخصوصاً الأربع جوايز بتوع فيلمي المفضّل السنة دي”.
صور يسرا في حفل الأوسكار 2020 تخطف الأنظار (تفاصيل)
وتابع: “كانت سنة فيها كمية أفلام حلوة بشكل استثنائي والمنافسة كانت صعبة فعلاً. بس الفيلم اللي كنت بشجّع وأفرح جداً كل ما ياخد جايزة كان parasite.. بحب الفيلم ده بشكل! شفته 3 مرات ومن فرحتي بجوايزه التاريخية امبارح بقيت حاسس إني عايز أشوفه تاني لسه”.
وأضاف: “أنا طبعاً حابب الفيلم كله على بعضه بس بحبه قوي قوي عشان السيناريو بتاعه عظيم بجد، وهو فعلاً أكتر فيلم من المرشحين يستاهل جايزة أفضل سيناريو أصلي، أكتر حاجة مذهلة بقى في السيناريو بتاعه إنه بيتحرك بين كل genre أو نوعية بمنتهى الخفة والسلاسة”.
وتابع: “انت في الآخر ما تقدرش تحدد له نوعية معينة، هل هو أكشن ولا كوميدي ولا suspense ولا اجتماعي.. هو كل حاجة، قد ايه هايل إنه قدر يلعب اللعبة دي بالحرفنة دي ويتحرك بيك من غير ما تتوقع إيه اللي هيحصل.. وإن من أول لحظة في الفيلم بتتشد وتسلّم نفسك وتطلع رحلة مع الناس دول كأن هما الكون كله”.
واختتم كلامه قائلًا: ” أهم حاجة بالنسبة لي بقى إنه فيلم عالمي بالمعنى الأعمق شوية للكلمة.. بمعنى إنك لو غيرت أسامي الشخصيات وخليتهم محمد وزينب وخليل زي ما هما كده من غير ما تغيّر فيهم حاجة، كل حاجة في الفيلم هتفضل زي ما هي.. انت مش محتاج تمّصره. انت محتاج تترجمه بس. السينما فعلاً لغة عالمية للتواصل بين البشر”.⠀
قصة فيلم Parasite الفائز بجائزة الأوسكار 2020.. تعرف عليها
