المنشد محمود التهامي يُهاجم “بنت الجيران” لحسن شاكوش: “اللحن إسرائيلي” (فيديو)
علق المنشد محمود التهامي، على الجدل المثار حول أغنية “بنت الجيران” لمطرب المهرجانات الشهير حسن شاكوش، والتي أحتلت المركز الثاني عالميًا على موقع الأغاني “ساوند كلاود” فضلًا عن تصدرها مواقع التواصل الاجتماعي المختلفة.
وظهر التهامي في بث مباشر عبر حسابه الشخصي على “فيس بوك”، حيث بدأ حديثه قائلًا: “السلام عليكم ياجماعة كل سنة وأنتم طيبين الناس اللي بقالها يومين مستغربة أن في حالة كدا حاصلة موسيقى المهرجانات هنقبلها هتبقى في نقابة المهن الموسيقية أو فرضت نفسها أو إزاي موسيقى زي دي هتوصل، يعني بيحتجوا على أن المزيكا اللي عاملها حسن شاكوش الاغنية بتاعته واخده الترتيت الثاني على مستوى العالم”.
بعد نجاح “بنت الجيران”.. عمر كمال يستعد لطرح “عود البطل” مع حسن شاكوش
وتابع: “بمنتهى البساطة مشكورًا للإعلام الإسرائيلي والصهيوني هو اللي ماسك جوجل ويوتيوب وساوند كلاود، ليهم دخل كبير جدا في الموضوع دا أن موسيقى المهرجانات تنتشر في مصر، ويفرضوا علينا كشعب إننا نعترف بيها، بيعملوا كدا عشان دا بيساعد على الإنحلال الخلاقي اللي إحنا وصلنا ليه وإنحلال الذوق العام اللي احنا وصلنا له فعلا، وبيفرضوا على باقي طبقات المجتمع الراقية اللي بتدعي أنها تنكر وبتقول إزاي تنكروا، هما عملوا ليه كدا عشان بمنتهى البساطة اللحن اللي مكسر الدنيا دا إسرائيلي”.
وأضاف: “وهما مش بيمجدوا فيه عشان حسن شاكوش أو بيمجدوا في المهرجانات ولكن بيمجدوا في ثقافتهم اللي نشروها على مستوى العالم، ولما يلاقي إن اللحن ترتيبه الثاني على مستوى العالم هيقولك شكرًا اللحن دا بتاعي، مش عايز أقول غير كل التحية للشعب المصري اللي بيسمع اللحن الإسرائيلي، استقيموا يرحمكم الله”.
وفي سياق متصل، كشف المطرب حسن شاكوش وعمر كمال، بأخذ لحن أغنية “حاجة مستخبية” للنجم محمد حماقي، لتطبيقها في أغنيتهم الشهيرة “بنت الجيران”، وذلك من خلال فيديو بثه عمر كمال على صفحته الرسمية بـ”فيس بوك”.
حسن شاكوش يخوض تجربة التمثيل لأول مرة في “ولاد إمبابة”
وظهر في الفيديو كل من عمر كمال و شاكوش، وهما يعتذران بشكل صريح وواضح لمحمد حماقي ومدين عن أخذهما لحن أغنية “حاجة مستخبية” وطلبا من حماقي ومدين قبول اعتذارهما وأنهما لم يقصدا سرقة اللحن، معترفين بأن نجاح الأغنية راجع للحن محمد مدين، كما أعلنا أنهما خلال الفترة المقبلة سوف يتعاونا مع مدين في لحن جديد مؤكدين أن هذا الفيديو بمثابة رسالة حب واعتذار منهما للملحن الكبير مدين.
لماذا تصدر حسن شاكوش تريند “تويتر”؟ (تفاصيل)
