أحمد المالكي لـ”محمد رمضان”: “أنت وعمرو دياب كأنك بتقارن بين النملة والديناصور” (صورة)
علق الشاعر الشاب أحمد المالكي، على تصريح الفنان محمد رمضان، الذي قاله في برنامج “التاسعة” في أولى حلقاته بالأمس مع الإعلامي وائل الإبراشي، حيث قال رمضان: “محامي مطرب شهير وأعتقد هو السبب في الهجوم الشرس اللي اتعرضتله، وهذه تعد علامة استفهام كبيرة.. والمحامي ده كان خصم ليا منذ عدة سنوات، وقدم إنذار لنقابة الموسيقيين والممثليين وطلب إيقافي وإيقاف الحلقة”.
وكان يقصد بالنجم الكبير الهضبة عمرو دياب، الذي له جمهور كبير في مختلف أنحاء الوطن العربي، ورد المالكي على رمضان عبر حسابه بـ”فيس بوك”: “عايز تتكلم عن نفسك كممثل، ممكن تقول اللي أنت عايزه وإنك نمبر ون والكلام ده كله حقك، وكل واحد من حقه يتوهم والكلام مش بفلوس”.
وأضاف: “مع إنه كلام باطل والدليل علي ده إنك لما نزلت في سيزون بتنافس فيه أحمد السقا وأمير كرارة، اختفيت وماحدش شافك، وفيلم البدلة لتامر حسني حقق فأسبوعين قد تاريخك السينمائي كله، لكن تقرب للغناء هنا لازم تعمل ستوب، وتعرف حجمك الحقيقي فالمنطقة دي”.
وأردف: “وأصلًا اللي أنت بتقوله ده شيء سميه زي ماتسميه بس مالوش علاقه بكلمة غناء، والكارثة الأكبر هي ذكر أو التلميح لكلمة واسم عمرو دياب، علي أساس إنه شايفك أو حاطك فدماغه والتهيؤات والهلاوس دي، وياريت حتى بتتكلم علي حد عادي.. ده عمرو دياب”.
عمرو مصطفى لـ”محمد رمضان”: “بلاش عمرو دياب عشان هتزعل” (صورة)
واختتم “البوست” قائلًا: “دي بالظبط كأنك بتقارن بين حجم النملة والديناصور، مع العلم إني أنا شخصيًا كنت متابع جيد ليك كممثل، وكنت شايفك كافحت وحققت نفسك، بس لما تفلت منك وتقرب للمنطقة دي لازم الناس اللي حواليك تعقلك عشان ماترجعش لورا أكتر ما أنت بترجع.. أعقل يامحمد”.
وكان المالكي شارك في ألبوم “سهران” لعمرو دياب، بأغنيتين وهما “يا روقانك”، “أول يوم في البعد”، الذان حققا نجاحًا كبيرًا بدعد طرح الألبوم كاملًا، حيث حققت يا روقانك نسبة مشاهدة على يوتيوب وصلت إلى 495,738 مشاهدة، أما أول يوم في البعد فوصلت إلى 10,957,491 مشاهدة.
شاهد.. ملخص تصريحات محمد رمضان في أزمته مع الطيار الموقوف
