• بحث عن
  • شقيق ياسمين عبد العزيز لأحمد العوضي: معندكش غير الشمال.. وأدخل البيت من بابه لو راجل (صورة)

    سهر عوض

    هاجم الفنان وائل عبد العزيز، النجم أحمد العوضي والذي على علاقة بشقيقته النجمة ياسمين عبد العزيز، وذلك بعدما أثاروا جدلًا على مواقع التواصل الاجتماعي المختلفة، الفترة الماضية، بسبب صورهما مع بعضهما، في عيد ميلادها، والتي أظهرت المواقف الرومانسية بينهما، حيث خمن الجمهور أن هناك قصة حب تجمعهما.

    وكتب وائل عبر حسابه بـ”فيس بوك”، : “بصي يا ياسمين يا عبد العزيز يا أختي، أنا معاكي وفي ضهرك من وأنتي صغيرة، شيلت مشاكل كتير بسببك، من وأنتي عيلةصغيره بدايه من مشاكلك مع الشاعر وبرادة، وأنتي عارفة أن أنا أتاذيت فيها إزاي وقضيته الشغالات مؤخرا غير قضيه الضرب اللي كانت بينك وبين بنت هشام سليم الممثلة اللي لبستيها التورتة في وشها”.

    شقيق ياسمين عبد العزيز يوجه لها رسالة حادة بشأن علاقتها بأحمد العوضي (صورة)

    وتابع: “وقفت جمبك بكل ما أملك من قوة أدافع عنك في كل موقف صعب مر عليكي، ونسيت حياتي ونفسي عشانك وبقي كل همي أنا “ووالدتك ” إنك تكبري وتبقي نجمة في مجالك.. سيبنالك اختياراتك كلها لنفسك ووفقنالك على معظم قراراتك وكنت الوحيد اللي ساندتك ووقفت جنبك في طلاقك.. لكن هنهرتل وتروحي تعرفي واحد أصغر منك بـ 10 سنين لا من سنك وتتصوري صور مالهاش أي لازمه على حساب سمعتك وسمعتنا لا ومحدش هيسمح.. من أمتي وإحنا بنعمل أعياد ميلاد وتنزل على السوشيال ميديا.. من امتى الناس بتجيب في سيرتنا !؟ ونقعد نتعاكس على السوشيال ميديا”.

    واستكمل: “ومع ذلك حياتك وأنتي حرة فيها.. أنا هتكلم على الشق اللي يخصني.. أنتي مقاطعة كل العيلة عشان تعملي اللي على مزاجك.. إحنا دلوقتي وعايزين نفهم العلاقه دي إيه و رايحه علي فين.. أما بالنسبه للأخ الي ماشي وراكي في كل حته وشايفك البيضه الدهب الي هتفقسله كل يوم احب أقولك يا راجل لما تيجي تدخل بيت تدخله من بابه يا راجل !! وتقعد مع رجاله البيت..دي الأصول وده الإحترام”.


    واختتم:  “وطبعا لإنك عارف إنك مرفوض رافضا باتا فا عمرك ما هتعمل ده ومعندكش غير طريق الشمال اللي أنت سالكه من سنين مع بنات الناس.. أنا من رأي كفايه عليك البطولة اللي أخدتها والعربية المرسيدس الهدية.. وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجه وملوش لازمة جو الصور والمعاكسات ده وأنا مبخفش من تهديد حد !!”.

    بوست شقيق ياسمين عبد العزيز
    بوست شقيق ياسمين عبد العزيز
    الوسوم

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    زر الذهاب إلى الأعلى

    إغلاق