• بحث عن
  • نجل محمود عبد العزيز مهاجمًا شقيق ياسمين عبد العزيز: “مليون خسارة على الرجولة” (فيديو)

    يمنى شريف

    انتقد الفنان والمنتج محمد محمود عبد العزيز، التصرف الذى وصفه بـ”غير الأخلاقي”، الذي فعله الفنان وائل عبد العزيز شقيق صديقته النجمة ياسمين عبد العزيز، ونشر تفاصيل شخصية خاصة بحياة النجمة، وما اعتبره علاقة حب تعيشها مع الفنان أحمد العوضي، والتي ظهرت للجمهور خلال احتفالهما بعيد ميلادها الـ40 يناير الماضي.

    ونشر الفنان محمد محمود عبدالعزيز فيديو له عبر حسابه بـ”انستجرام ” هاجم من خلاله شقيق الفنانة، فقال:”أنا بصراحة مش عارفة أقول إيه ،أنا طالع منفعل بحدث مش مصدقه و مش فاهم وقاعد فاتح الكلام قدامى و مش مصدق أن في ناس بقيت بتعمل كده وبقى في أخوات بتفكر بطريقة دى وبقى في هبل بصراحة في مواقف بتحصل تتحط بالنسبه ليا تحت بند الهبل”.

    وائل عبد العزيز لأحمد العوضي: معندكش غير الشمال.. وأدخل البيت من بابه لو راجل (صورة)

    وتابع: “مش داخل أرد على شخص بعينه لأن مش من حقي اعاتب حد بس،بما أن موضوع تحول أن بنفضح بعض و أخوات في بعض وبنكلم على بعض وبنقول أى كلام في أى حاجة و السوشيال ميديا بقيت مدمرة دماغنا إلى هذا الحد ،اللى حصل  ده ملوش أى علاقة بالرجولة أو الأخوة أو التربية ده حاجة خرجت بره نطاق المنطق تماماً”٠

    واستكمل: “أنا مش مقتنع ومش مصدق اللي بيحصل ده خالص، أنا فاكر كويس جدًا زمان لما أهالينا ربونا علمونا أننا نتلم مع بعض بس ده اللي اتربى يعنى أنا بكلم على الأهل اللي ربيت والعيال اللي اتربيت من أهلها ده المنطق طول عمرنا أننا نحمي بعض ونحل مشاكلنا مع بعض ومش نصغر بعض قدام الناس، اللي ملوش كبير بيشتريله كبير ،لو أنا و أخويا اتخانقنا لقدر الله هروح له نتصافي نحل مشاكلنا مع بعض عشان أنا كبير و هو الصغير، مش هبقى بنتخانق و أدخل أكتب على الفيسبوك أو على الانستجرام او على السوشيال ميديا ده خارج نطاق العقل”٠.

    وأضاف :”كمية الكلام المكتوب ده أنا مش فاهم الأخ اللي دخل كتب كده على أخته دماغه مش بتفكر، بأكد تانى في كلامي اللي حصل ده ملوش علاقة بالرجولة تماما المشكلة الأكبر من كده أن بيتكلم على واحده وكأننا مش نعرفها معروفه بأنها بألف راجل  وأنها جدعه وراجل مع أصحابها أنا مش بعاتبك ولا بلومك أنت حر بس ده مش صح”.

    “هو أنا شفت راجل”.. حقيقة رد أحمد العوضي على شقيق ياسمين عبد العزيز بعد انتقاد علاقتهما

    واختتم: “أنا أسف أن بتكلم الكلام ده كله بس إللى بيحصل ده ملوش أى علاقة بالرجولة أو الأخوة أو التربية دى وجهه نظرى، و سامحونى أنا اول مرة اتكلم بس موضوع يستفز، حسبى الله ونعم الوكيل في الجنان اللى حصل ومش هعاتب حد خلاص، للأسف الرصاصة طلعت و رشقت في قلب اختك تخيل انت ماسك مسدس وضارب طلقة فى قلب أختك، أى اخ أو اخت  قبل ما يفكر يكتب حاجة ملهاش معنى على السوشيال ميديا أو علاقة اقوله أرجوكم فكروا  لأن بقينا ننسى أن أهل وأن عيلة وأسرة وبقينا ننسى أننا أخوات وأصحاب في ممكن نتعاتب أو نختلف في مليون حاجة بس مش ممكن نطلع نفضح بعض ونكتب كلام ملوش معنى، مليون خسارة على الرجولة”.

     

    View this post on Instagram

     

    ياسمين ب١٠٠٠ راجل (اسألكم الفاتحه و الدعاء لابويا و لكل من رحلوا عنا)

    A post shared by محمد محمود عبدالعزيز (@mohamedmahmoudabdelaziz_) on

    الوسوم

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    زر الذهاب إلى الأعلى

    إغلاق