أحمد كامل يكشف كواليس مقابلة الكينج محمد منير في قريته النوبية (فيديو)
وجه الفنان الشاب أحمد كامل، رسالة للنجم محمد منير، بعد مقابلته أمس في حفله الذي أحياه بمركز نصر النوبة في أسوان، وأمتع جمهوره بعدد كبير من الأغاني “لايف”، وذلك عبر حسابه الشخصي بموقع تبادل الصور والفيديوهات القصيرة “إنستجرام”.
ونشر كامل فيديو للكينج وهو يغني، وعلق عليه قائلًا: “مفيش نجوم في حضرة الملك، مجرد ما بشوفه بيغني بيبقي مكاني وسط الجمهور وبقعد في الأرض زي العيل الصغير اللي مبسوط بلعبه أو إنه راح الملاهي”.
وأضاف: “اليوم ده هيفضل في ذاكرتي طول العمر، هوري ولادي صوري وفيديوهاتي معاه وهحكيلهم عن كلامه معايا وهقولهم إني من صغري وأنا بلاحقه في كل حفل وكل مكان حتي الصدفة الجميلة إن مدرستي جنب بيته وكنت محظوظًا إني بشوفوه كل فتره وبحاول أتصور معاه حتى ومش بعرف، لحد يوم كان ليا الشرف إني أطلع حفلة بتاعته”.
وتابع: “النهاردة أنا في حفلة خاصة جدا في النوبة للملك في عقر داره، وبعد الحفل استضاف كل الناس وقعدت معاه في بيته وكان بيغني وسعيد ومبسوط وأنا زي الطفل قاعد جنبه بردد ومش مصدق إني قاعد جنبه، أنا مش مصدق لحد دلوقتي إني حصل وأنه أخدني بالحضن وأنه قالي حاجات أنا مكنتش أتخيل إني أقعد أتكلم فيها مع منير”.
واختتم: “الراجل ده تاريخ مصر بمعني الكلمة، كلامه دهب ونصايحه حياة حرفيا، ولما نزلنا أتمشينا في النوبة أنا كنت مذهول من كم حب الناس ليه، مفيش أغنية بتشتغل في مكان غيره وكلهم بيحبوه، وراه شعب كامل بيقدره وبيحترمه وبيحبه غير كل ده أهل البلد دي قمة في الطيبة أنا مش عارف أقول إيه بس بجد أنا مبسوط بشكل مش طبيعي”.
وفي وقت سابق، طرح الفنان أحمد كامل أغنية “قولي” والتي حصدت المركز الثاني في المحتوى الأكثر مشاهدة عبر يوتيوب، حيث حققت الأغنية 950 ألف مشاهدة، ومن كلمات وألحان أحمد كامل، وتوزيع موسيقى وهندسة صوتية “S-lam Sheto”.
View this post on Instagram
