الشاعر تامر حسين يهاجم زكي فطين عبد الوهاب: انتقاده للهضبة عمرو دياب جهل (صورة)

رد الشاعر تامر حسين، على هجوم الفنان زكي فطين عبد الوهاب، علي النجم عمرو دياب، بعد كتابة تدوينة على موقع فيس بوك.

وكتب فطين عبدالوهاب، عبر حسابه الرسمي بموقع فيس بوك: “أنا عارف إن فيه ناس هتزعل من الكلام اللي هقوله، لكن بعد الهجوم الشرس على أغاني وموسيقى المهرجانات.. نفسي أفهم عمرو دياب الملقب بالهضبة.. بمناسبة إيه”.

وأضاف: “أغانيه وألحانه وكلمات أغانيه هي هي من 20 سنة، ده إفلاس فني ما بعده إفلاس، أغاني المهرجانات فيها تجديد وابتكار وتنوع أكتر بكتير غصب عن الملحن الفذ حلمي بكر”.

زكي فطين عبد الوهاب: “أغاني عمرو دياب إفلاس.. والمهرجانات تعبر عن العشوائيات بصدق”

ورد عليه تامر بتدوينة قال: “أحياناً يبقى عندك واحد صاحبك مُهندس يجيلك دور برد يكتبلك روشتة علاج وخُد ده وهات ده وده هيخليك زى الفُل بكرة من غير ما يفهم ان كل دوا م اللى بيقترحوا له أثار جانبية وتركيبات كميائية وأنه أساساً مش دكتور والله مادكتور ولا خريج طب ده الأستاذ خريج هندسة يعنى كل شُغله رسومات ومبانى ولا دخل مستشفى ولا عنده خبرة أنه أساساً يدى حُقنة بس أزاى مايقولشى رأيه!”.

وأضاف “اهو ده بالظبط الظاهرة المنُتشرة فى مجالنا الفنى وتحديداً مجال (الغُناء)من غير المتخصصين فى الصناعة والإستهتار والاستهوان بصناعة عناصرها شاعر وملحن وموزع ومُهندس صوت وناس خريجين معهد موسيقى وتربية موسيقية  وغيرهم من التخصُصات ومطرب ورؤية فنية ومراعاة ذوق عام للجمهور ومعادلة وحسبة مُعقدة”.

الشاعر تامر حسين يهاجم محمد رمضان: “هو عمرو دياب هيفكر يحارب مؤدي مثلًا؟” 

وقال:”نيجى بقى لبوست الأستاذ قالك إفلاس أخر( 20 سنة يعنى حضرتك ابتداءً من “تملى معاك” مثلاً اللى غير شكل الأغنية وقربنا للعالمية والا حضرتك قصدك مثلاً “أكتر واحد بيحبك” اللى خد أورد والا “انا عايش” الأشهر والأجرء موسيقياً في مسيرة الفنان عمرو دياب وإلا “ليلى نهارى” اللى اترجم معظم أغانيه للُغات العالم؟ طب ممكن يكون قصدك “وياه” اللى كان فى وياه أفضل أغنية فى إفريقيا مش بكلمك ع المهندسين فقط، طب سيبك من ألبومات تانية وإلا الليلة اللى خد 4 جوايز أورد والراجل رفض يروح يستلمها وأكتفى بفيديو وهو فى بلده ولا إيه ولا إيه ولا إيه”.

وأضاف: طب حضرتك ماشفتش نجاح “يتعلموا” فقط بما أنى واحد من الصُناع ف ادافع عن نفسى مش هقولك البومات اخر 20سنة طب ماحدش قالك أن أخر البوم الراجل مغير ومواكب كل الأذواق والأجيال ومغير قاموس الكلمة يوم تلات.. قدام مرايتها.. عم الطبيب.. مهرجان.. وألخ”.

وقال: الحقيقة انا عندى إستياء  من مُجادلة (وجهل من لا يفقه) والاستخفاف والإستهتار بصناعة كاملة بشعراء وملحنين وموزعين ومهندسين صوت بمطرب ناجح بقاله 35، أرحمونا أنت بتنصر المهرجانات من حيث الشكل الموسيقى، والتنوع مثلاً اللى هو فين، إحنا عندنا أكتر من نوع موسيقى نقدمه هاوس لاتين مقسوم وغيره ده لو ع المزيكا أما لو بتنصر نوع الكلام وخمور وحشيش.. وأمك صاحبتى ومطوتى وغيرهم من اأالفاظ والمصطلحات اللى أخجل أكتبها ؟ دى حاجه تانيه بقى”.