خالد تاج الدين يرد على زكي فطين عبد الوهاب: “عمرو دياب هضبة غصب عنك”
علق الشاعر الغنائي خالد تاج الدين، على ما قاله الفنان زكي فطين عبد الوهاب تجاه النجم عمرو دياب والذي اتهمه بالإفلاس، عبر حسابه على موقع التواصل الاجتماعي “فيس بوك”.
وقال تاج الدين: “الأخ ده كمان لقى مفيش أضواء عليه قالك أهاجم الكبير، أنا مش فاهم بس هو نجاح عمرو دياب المتواصل والمستمر بيضايقك في إيه بس، أنا هقولك الخلاصة عمرو دياب هضبة غصب عنك وواصل لكل الأجيال”.
وتابع: “أنا بنتي الصغيرة 8 سنين واتحايلت عليا علشان تروح تتصور مع عمرو دياب وبتعشق كل أغانيه القديمة قبل الجديدة، إنما لو سألتها مين زكي فطين ده أراهنك إنها مش هتعرفك، كفاية عك بقى”.وجاء رد تاج الديم بعدما نشر زكي فطين عبد الوهاب منشورًا عبر حسابه بـ“فيس بوك” قائلًا: “أنا عارف إن فيه ناس هتزعل من الكلام اللي هقوله، لكن بعد الهجوم الشرس على أغاني وموسيقى المهرجانات، نفسي أفهم عمرو دياب الملقب بالهضبة بمناسبة إيه، أغانيه وألحانه وكلمات أغانيه هي هي من 20 سنة، ده إفلاس فني ما بعده إفلاس، أغاني المهرجانات فيها تجديد وابتكار وتنوع أكتر بكتير غصب عن الملحن الفذ حلمي بكر”.
زكي فطين عبد الوهاب: “أغاني عمرو دياب إفلاس.. والمهرجانات تعبر عن العشوائيات بصدق”
وبمجرد كتابته لذلك المنشور انهالت التعليقات والهجوم على فطين عبد الوهاب من قبل محبي الهضبة عمرو دياب، مما جعل عبد الوهاب يرد مجددًا معقبًا عليهم قائلًا: “تعقيبًا على الـpost اللى كتبته عن أغاني المهرجانات وانتقادي لعمرو دياب .. واضح إن الناس فيه مصر بتفهم الصراحة على إنها إهانة.. في النهاية رأيي ده مجرد رأي مش أكتر.. ألاقي كومنتات فيها هجوم عليا وعلى شخصى لمجرد إنى قلت رأيي بصراحة.. الناس بتنجم الفنانين زي مايكونوا تابوهات”.
