الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

مصري وحنيته تشفي جراح أيوب.. جمال بخيت يلقي قصيدة خاصة للدكتور مجدي يعقوب (فيديو)

القاهرة 24
أخبار
الثلاثاء 10/مارس/2020 - 12:19 ص

ألقى الشاعر الكبير جمال بخيت، قصيدة للدكتور مجدى يعقوب، وذلك تقديرًا لمكانته الكبيرة في قلوب المصريين، لما له من إسهامات كبيرة في عالم الطب والعمل التطوعى في مصر، وذلك خلال حواره ببرنامج “كل يوم” الذى يقدمه خالد أبو بكر، على شاشة “ON E”.

وتقول كلمات القصيدة مسحراتي يدوب على الحنان محسوب مصري وحنيته تشفي جراح أيوب سيدنا المسيح بيحب لمسة ايديك ف الطب يا مجدي يا يعقوب

نبضات قلوب البشر دقات ثواني العمر وساعات يكون القدر خطاوينا فوق الجمر وساعات ف عز الخطر نلقى الفرح منصوب بدل الوداع والسفر نسهر مع المحبوب ضيك يكون القمر يا مجدي يا يعقوب

سيدنا المسيح بيحب لمسة ايديك ف الطب مصري وحنيتك تشفي جراح أيوب

العمر لما انكتب ما بين لقا وفراق صاب القلوب العطب من حرقة الأشواق من غير كلام او خطب يتغير المكتوب ربك يزيح الغضب والرب رب قلوب وإيديك تكون السبب يا مجدي يا يعقوب

سيدنا المسيح بيحب لمسة ايديك في الطب مصري وحنيتك تشفي جراح أيوب

المصري خير ربنا ف مسيرة الانسان آدي طبيب مننا ماشي مع الشريان مغزول بإيد صبرنا طيب اصيل موهوب ينده عليه حسنا ويبلغه المطلوب اجمل صفات شهدنا يا مجدي يا يعقوب سيدنا المسيح بيحب لمسة ايديك ف الطب مصري وحنيتك تشفي جراح أيوب

من مسحراتي مصر البهية

تابع مواقعنا