رسالة داعمة ومؤثرة من سعد سمير لشريف إكرامي بعد الرحيل عن الأهلي
أعرب سعد سمير، مدافع الأهلي عن حزنه، بعد اقتراب رحيل شريف إكرامي، حارس مرمى المارد الأحمر، عن الفريق بنهاية الموسم الجاري.
ونشر مدافع الأهلي عبر صفحته الشخصية على موقع التواصل الإجتماعي “إنستجرام”: “لم أر منك إلا كل حب وخير وإخلاص للنادى ولزملائك، هتوحشنا جدًا وهنخسر ضلع مهم من ضلوع الفرقة الكبار والقدام”.
وأضاف” على مدار 11 عاما، تزاملت معك فى الفريق الأول في النادي الأهلي، لم أر منك إلا كل حب وخير وإخلاص للنادي ولزملائك، دايمًا ليك نظرة مختلفة للأمور ودايمًا كنت من الناس القريبة مني بشكل شخصي، استفدنا منك كتير ورجعنالك فى حاجات كتير، وكنت دايمًا خير داعم وخير صديق”.
وتابع: “تاريخ وموقف طويلة ونجاحات كتير مرينا بيها وبرضو، مواقف صعبة كتيرة لكن دايمًا كنت شخصية مسئولة ومواجه لكل المواقف، أكيد عارف مدى حبنا ليك واحترامنا فى نفس الوقت، لكن كلنا عارفين إنك مش بتاخد قرار إلا لما بتكون مفكر فيه كويس أوي وبعناية شديدة”.
وأكمل: “هتوحشنا جدًا وهنخسر ضلع مهم من ضلوع الفرقة الكبار والقدام، اللى دايما من الناس اللى كانت بترسخ مفاهيم وثوابت اتربوا عليها وانتقلت لأجيال كتير، لكن كل التوفيق والاحترام لواحد من لأهم اللعيبة والعقليات والكوادر فى الفترة القادمة”.
وأعلنت لجنة التخطيط بالأهلي عدم التجديد لشريف إكرامي بصحبة حسام عاشور ورحيلهما عن الفريق في نهاية الموسم الجاري بناء على قرار من السويسري رينيه فايلر المدير الفني للمارد الأحمر.
View this post on Instagram