كريم عبد العزيز عن مظاهرات الإسكندرية: “الحقوا استخبوا عشان اللي نزلتوا قصاده مستحلفلكم” (صورة)
سخر الفنان كريم عبد العزيز، من المظاهرات التي كانت في الإسكندرية مساء أمس، ضد فيروس كورونا المستجد، عقب استنكار الجميع من تجمع المتظاهرين في مكان واحد، في الوقت الذي يحذر فيه جميع دول العالم من تكدس الأفراد في مكان واحد.
واستخدم كريم عبد العزيز صورة من فيلم فاصل ونعود، وعلق عليها بطريقة ممازحًا الجمهور: “ألحقوا أستخبوا كام يوم ومحدش ينزل خالص عشان اللي نزلتوا قصاده مظاهره بيدور عليكم ومستحلفلكم”، وكتب هاشتاج “خليك في البيت”.
وكتب كريم عبد العزيز في وقت سابق تدوينة عبر “فيس بوك” ليعبر فيها عن استيائه من الشائعات التي كانت ترددت عن فيروس كورونا المستجد، في ظل قلق جميع أفراد الشعب.
وقال عبد العزيز في المنشور: “بعد إذنكم كفاية إشاعات وبلاش نرددها في مصادر رسمية للمعلومات بلاش ننشر من غيرها، أنتم مش متخيلين كمية الذعر اللي بتعمله الإشاعة وقلوب الأمهات اللي بتتحرق خوفا على أولادها رفقا بقلوبهم”.
وتابع: “الخير في البلد دي كثير جداً ومش بيخلص ولا هيخلص فبلاش التكالب والازدحام علي المولات والسوبر ماركت، البلد دي مذكورة في القرآن وربنا حافظها وحافظ أهلها وبإذن الله أزمة وهتعدي زي ما عدينا كتير غيرها”.
واختتم: “الأمل في ربنا مش بيخلص خلوا إيمانكم بربنا كبير وخدوا بالأسباب والتزموا بالتعليمات وبلاش تجمعات وحافظوا علي تعقيم أيديكم أول بأول وألبسوا الكمامات مش وقت نخاف إن حد يهزر أو يتريق علينا صحتك بالدينا وأهم من المظاهر لأن كلنا في مركب واحدة وبإذن الله هنوصل بيها لبر الأمان.. الله هو الحافظ.. كريم عبدالعزيز”.
كريم عبد العزيز عن كورونا: “كفاية إشاعات.. الخير في البلد دي كتير ومش بيخلص” (صورة)
