عمر كمال: “بتعرض لظلم كتير وبيشتموا أهلي.. وأنا بقالي 4 سنين شقيان في الغربة” (فيديو)
رد مطرب المهرجانات عمر كمال، على الانتقادات العديدة، والتي وجهت له في الفترة الأخيرة من قبل الجمهور، ولعل أبرزها شراءه سيارة فارهة، وانتشار شائعة خطبته من الراقصة الروسية الشهير (جوهرة)، وأخيرًا فيديو أزمة كورونا مع رضا البحراوي.
وخرج عمر في بث مباشر على صحفته الرسمية بـ”فيس بوك”، قال فيه: “أنا بتعرض لظلم كتير في الفترة الأخيرة، هحكيلكم مواقف كتيرة أنتوا احكموا فيها أنا غلطان ولا لأ، في إهانة كتيرة ليا وشتيمة بالأب والأم ولو أي حد مكاني وأهلي شافوه هيزعلوا”.
وأما عن شائعة خطبته لجوهرة، فأكد: “في صورة انتشرت من فترة وقالوا عمر كمال راح خطب فلانة، أنا لا قولت اللي أنا خطبت، ولا ليا علاقة بحد ولا صرحت بكدا، أنا راجل في حالي وبشوف شغلي”.
وتابع: “بيتقالي أنت بتطلع تتكلم كتير جدا وبتظهر ، وأنا عمري ما ظهرت غير بشغلي، كل ما بظهر بشغلي ببقى تريند، أنا عمري ماعملت حاجه عشان أتعمد أبقى تريند، أنا عامل الصفحة دي من 2012، أنا مبفرضش على حد يشوفني”.
وعن الفيديو الذي عرضه لتقديم بلاغ ضده للنائب العام، فقال: “عملنا فيديو أنا ورضا البحراوي الفيديو في بيت واحد صاحبنا، ومسحناه والموضوع اتقفل عشان الناس بتتضايق، وبعد كدا الفيديو اتصدر تاني بعد ما أتقص، وراحوا شتموا وعابوا فينا”.
وأضاف: ” كمان أنا اصلا مكنتش في قرار شطب النقابة، ولكن لما أعتذرت اتحطيت في القرار مع حسن شاكوش مع أني مقولتش خمور وحشيش، ولكن دا واحد واكل معايا عيش وملح، مينفعش أسيبه”.
وأختتم: “الناس بتقولي أنت جبت عربية غالية، انا بقالي 4 سنين شقيان وتعبان في الغربة، وبقعد بالـ6 و7 شهور وأرجع مصر، وأحوش عشان أجيب عربية كويسة، وبنت الجيران مجبتليش حاجة”.
بلاغ عاجل للنائب العام ضد عمر كمال ورضا البحراوي بسبب فيديو فيروس كورونا (مستند)
