تفاصيل إصابة أول مطربة مصرية بفيروس كورونا بعد عودتها من المغرب (صور)

أعلنت المطربة المصرية إيناس عز الدين، عبر حسابها الشخصي بموقع التواصل الاجتماعي “فيس بوك”، إصابتها بفيروس كورونا، وتخضع خلال الفترة الحالية للعزل الصحي في منزلها.

وقالت “عز الدين” عبر حسابها الشخصي بموقع التواصل الاجتماعي فيس بوك: “الحمد لله حتى الاآن أنا حالتي مستقرة إلى حد ما وفي حجر منزلي لوحدي ومش بختلط بأي شخص وبلتزم بالإجراءات الوقائية المُتبعة وكل ده طبعاً بالمتابعة مع وزارة الصحة إلا اذا الحالة ساءت ساعتها بيحصل عزل طبي في إحدى مستشفيات الحجر الصحي وده الإجراء المتبع من قبل وزارة الصحة معايا ومع ناس كتير، وده بروتوكول مُتبع في العالم كله مش في مصر بس إن الحالات السيئة بس هي اللي بتدخل عزل صحي في مستشفيات ومافيش حاجة اسمها لو مريضة انزل اي مستشفى عادية جنب بيتي”.

وأضافت: “نزولي المستشفى وانا مصابة معناها اني هعدي كل شخص في طريقي ومافيش مستشفى مجهزة انها تستقبل حالات الا المستشفيات المخصصة من قبل وزارة الصحة ودي الوزارة اللي بتحول عليها الحالات اللي محتاجة انها تتعزل في مستشفى والفايرس ليه درجات فيه درجات بتتابع من البيت مع وزارة الصحة وبيتعملها حجر صحي منزلي وفيه حالات بتتدهور فبيدخلوها العزل الصحي بالمستشفيات، وده نظام متبع في العالم كله وانا حالتي تستدعي الحجر المنزلي حتى الان الحمد لله”.

وأوضحت: “الأعراض معايا كحة جافة جداً نشفان ريق الم شديد في الحلق مع صعوبة في البلع والم بحرقان شديد في منطقة الصدر كأن طوبة على الصدر وهن و ضعف شديد والم في الجسم مع صداع و دوخة بسبب عدم وصول الاوكسجين بشكل كافي بسبب صعوبة التنفس مافيش حرارة حرارتي مش بتاخطى ٣٧ ونص و ده لان الجسم لسه ما وصلش للمرحلة اللي يتهاجم بشدة من الفايرس فتبدأ الحرارة ترتفع علشان تهاجم الفيروس”.

وأكملت: “مافيش اي داعي للزذعر ولا نشر الهلع بين الناس ابداااااااااً ولا فيديوهات صريخ و صويت ولطم كل ده بيخوف ويرعب الناس وبيخلي فيه طاقة سلبية تخلي ناس كتير من الخوف تتوهم المرض و تخلي المناعة تضعف لان العامل النفسي بيرفع المناعة”.

واضافت: “زي ما قولت في الفيديو توخوا الحذر واعملوا اللي عليكم ولكن دون فزع او نشر هلع بين الناس لان الناس فعلاً مش متحملة انشروا طاقة ايجابية وكلموا الناس عن كام حالة اتحولز من ايجابي لسلبي وكان حالة خفت وخرجت من المستشفى وكام حالة عملت حجر منزلي وحالتها كانت بسيطة و اتحسنت وهي في بيتها”.

انشروا الطاقة الايجابية ارجوووووووووووكم الناس محتاجينها

#تعديل مافيش نهائي اعراض زي العطس او الرشح معايا

مافيش حاجة حتى الان اسمها علاج كورونا الاجراءات المتبعة معايا في حالة الالم او التهاب الحلق او الصداع اخذ باراسيتامول او بنادول او ادول 500 وتقوية المناعة بفيتامين دي و فيتامين سي و اكل الخضار وفواكه تحتوي على فيتامين سي زي البرتقال والكيوي والليمون والموز و شرب سوايل دافية والابتعاد عن المشروبات الباردة و وقف السكريات نهائياً

#تعديل 2

الفايرس انتقل ليا وانا راجعة من المغرب من اسبوعين في الطيارة عن طريق شخص كان مصاب و ما قالش و هو كان عارف وتم اكتشاف اصابته لما وصل مصر.