إيناس عز الدين ترد على متحدث “الصحة”: “أنا دفعت وصدر تجاهي تهديد صريح” (صورة)
ردت الفنانة إيناس عز الدين، على ما نفاه خالد مجاهد، متحدث وزارة الصحة، خلال مداخلته الهاتفية مع الإعلامي عمرو أديب في برنامج “الحكاية”، بشأن تحسن حالتها الصحية وعدم دفعها أى أموال مقابل العلاج فى مستشفى حميات إمبابة.
وكتبت إيناس من داخل المشفى على حسابها الشخصي على موقع التواصل الاجتماعي “فيسبوك”: “أنا هسيبك إنت ترد على موضوع إني مجاني وما دفعتش ولا جنيه لانك إنت اللي جيت ودفعت المبلغ تحت الحساب ده غير الأدوية اللي أنا ببعت أجيبها وبحاسب عليها بما فيهم ماسك جلسة النفس وحاجات تانية أنا بلغت بيها امبارح دكتور خالد مجاهد تليفونياً وقاللي إزاي ده يحصل ومش مقبول طبعا واوعي تدفعي حاجة لكن الواقع إني دفعت”.
مدير مستشفى حميات إمبابة لـ”القاهرة 24″: إيناس عز الدين استغلت كورونا لنشر فيديوهات معادية ضد القيادة السياسية
وأضافت: “ودلوقتي بقيت أنا اللي وحشة وبتعامل مع الناس اللي بتشتغل في المستشفى بطريقة سيئة، مع إن سبحان الله الممرضات والناس كانوا قاعدين معايا دلوقتي بنتكلم ونهزر ويهدوني علشان موقف ما حصل لما دكتورة دخلت احتدت في الكلام بصورة غير لائقة وصدر منها تهديد صريح تجاهي وأنا وقفت الموضوع عند حده بكل احترام”.
واختتمت حديثها، قائلة: “ده أنا من امبارح عاملة زي النحلة واعمل فيديوهات اطمن فيها الناس وأهديهم وأنا عايزة اللي يطمنني وأشكر في الحكومة ووزارة الصحة ومجهوداتها ولما اعترضت على شيء سلبي بقيت أنا اللي وحشة لأنه مش من حق حد يسلط الضوء على شيء سلبي ممكن يضيع مجهود كبير وكل ده لأني نشرت موقف حصل وناشدت فيه الحكومة والوزارة، يا ترى هطلع أيه تاني، يا سبحان الله”.
وظهر منذ قليل خالد مجاهد نافيًا ما تداولته إيناس بشأن دفعها المال داخل المشفى، كما أنها تتمتع بصحة جيدة ودرجة حرارتها 37 ونصف، وستظهر النتيجة بعد منتصف، وأنها حين استغاثت بالوزارة، تم إرسال سيارة إسعاف تنقلها إلى مشفى حميات إمبابة لتلقي العناية اللازمة.
الصحة تكذب إيناس عز الدين: المطربة بصحة جيدة.. وأودعت المستشفى بدون مبالغ مالية
