• بحث عن
  • ممرضات حميات كفر الدوار يطالبن بصرف علاوة رئيس الجمهورية الاستثنائية (فيديو)

    البحيرة – محمد عيسوي

    تداول عدد من مستخدمي موقع التواصل الاجتماعي “فيس بوك” بمحافظة البحيرة اليوم السبت تجمهر داخل مستشفى حميات كفر الدوار لعدد من الممرضات بالمستشفى يطالبن فيه صرف العلاوة الاستثنائية التي أقرها رئيس الجمهورية مؤخرا.

    الفيديو المتداول على موقع التواصل الاجتماعي يظهر فيه ممرضات المستشفي مرتدين الماسكات وبدأت أحدهن قائلة ” يا جماعة احنا دلوقتي بنبعت استغاثة لرئيس الجمهورية تمريض مستشفي حميات كفر الدوار معانا قرار بالصرف مكافأة استثنائية حسب أوامر السيد رئيس الجمهورية بتاريخ 26 / 3 بحد أقصاه 24 ساعة للتنفيذ”.

    وتابعت ” احنا دلوقتى الإصطف جاهز أهو وواقف بعد المرور وبعد تنفيذ العلاج للمرضي احنا مش محتجين ولا معترضين على اى حاجة احنا بس بنطالب بالمكافأة الاستثنائية اللي السيد الرئيس قال عليها فين حقنا بقي دلوقتي”.

    وأشارت” الورق راح واتستف باسامي معينة والتمريض كله ماخدتش غير أسماء معينة ضئيلة جدا احنا سايبين بيوتنا وسايبين عيالنا لا أخدنا إجازة استثنائية زى باقي الموظفين ولا أخدنا مكافأة ايه وضعنا في ظل الكورونا”.

    وقالت ممرضة أخري ” القرار الموجه لمديري مستشفيات الحميات جميعا المديرة بتقول مفيش حاجة جاتلها دي رسالة استغاثة للسيد رئيس الجمهورية الرئيس يأمر ومديري المستشفيات ممتنعين عن التنفيذ لإغراض شخصية”.

    وقالت أخري ” القرار اللي طلع اللي عنده طفل أقل من 12 سنة تقعد في البيت عندي ابني سنتين ومش بنفذ”.

    واختتمت ممرضة قائلة ” احنا مستشفي الحميات بها التهاب شعبي والتهاب رئوي كل الحاجات دي لا نستلم الماسكات إلا ماسك واحد وعملت مسحة مريضة والمديرة قالتلتي لابسة ماسك ليه “.

    الوسوم

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    زر الذهاب إلى الأعلى

    إغلاق