تداول عدد من مستخدمي موقع التواصل الاجتماعي “فيس بوك” بمحافظة البحيرة قبل قليل فيديو لممرض بأحدي المستشفيات الخاصة بمحافظة الإسكندرية والمقيم بأحدي قري مركز شبراخيت بمحافظة البحيرة والذي تم تحويله من مستشفي صدر دمنهور مساء أمس الثلاثاء لمستشفي كفر الزيات للحجر الصحي بعد ثبوت إصابته بفيروس كوورنا المستجد.

حيث ظهر الممرض في الفيديو داخل غرفته بمستشفي كفر الزيات للحجر الصحي مرتديا القبعة المعقمة والماسك الطبي قائلا” يا جدعان والنبي بلاش تظيطوا يا جدعان انا كويس وزي الفل أهو وقاعد في الاوضة لوحدى وحاطط التليفون على الشاحن وقاعد ومستكنيص ومفيش أي حاجة والاوضة أهي وانا هوريكم الاوضة أهي عشان خاطر الناس اللي بتحب تزيط بدلا ما المفروض تقف جمبي وتتكلم عني بطريقة كويسة”.

وأضاف قائلا: “المفروض حتى توقفوا جمبي ده انا حتى ممرض وكنت بعالج الناس والاوضة أهي ومفيش أي حاجة وانا الحمد لله تمام ويا رب تبطلوا كلام وتبطلوا إشاعات وانا أساسا مدخلتش البيت فا ياريت بقي تبطلوا زيطه بس هم بيحبوا يعملوا إجراءات عشان خاطر بس يطمئنوا على أهلي لان انا راجل تمريض وهم بيحبوا يطمئنوا على أهلي وعشان خاطر برضه يعملوا احتياطاتهم”.

وتابع: “الدنيا تمام ومفيش اى حاجة وكويس ويارب تبطلوا زيطة بقي كان ماشي مش عارف فين ده كان رايح فين ده كان متشعلق فين ده كان على المرجحية اللى ركبها مش عارف فين يعني عيب الكلام ده انا راجل تمريض المفروض ترفعوا من معنوياتي والدنيا هتبقي تمام والله انا كويس ومفيش حاجة وبضحك وزي الفل والدنيا تمام”.

وخلع الممرض القبعة المعقمة: “نكشت شعري عشان اوريكم انا كويس عايزين ايه تانى يعنى انا الحمد لله والله كويس وياريت تبطلوا كلام وتبطلوا كلام كتير البلد الوحيدة اللي بتتكلم عننا يعنى بصراحة كل البلاد واقفة جمب الناس زى مشرفة التمريض واتنين دكاترة محدش عمل فيهم كده وأصحابي اللي راحوا بلطيم محدش قال عنهم كلمة زيكم كده”.

واستطرد موجها حديثه لكل من تحدث عنه بسوء قائلا: “وانتم ما شاء الله بدل ما تقفوا جمبي بمعني أصح لان الناس التانية واقفت جمب الناس اللى بيحبوها ماشى بتظيطوا عليا ونازلين شتيمة فيا الحق البيت انا مش فاهم بصراحة دماغكم دي ماشية ازاي بس عموما انا كويس والحمد لله وانا بجد زعلان انني شفت أهلي بلدي بيتكلموا عني بالطريقة دي مش هقول اني مبسوط انا تمام والله انتم شايفين انا ابيض ازاي أعمل ايه تانى يعنى”.

ارتفاع عدد مصابي قرية بولين بالبحيرة إلى 5 حالات إيجابية وعزل 4 منازل