فيديو ابنة الممثل محمد شومان.. ابنة الفنان الهارب ترد على ادعاء “أسرتي تموت بالبطيء” (تفاصيل)

نشرت ابنة الفنان الإخواني الهارب محمد شومان، فيديو لتعلق فيه على البيان الذي أصدره والدها الهارب، وكان يناشد فيه لإنقاذ أسرته من “الموت البطيء”، حيث أعرب أن نجله أحمد وشقيقه فؤاد تم إخفاؤهما قسريًا لعدة أيام، مشيرًا إلى أنهم لا ينتمون لأي كيان سياسي، بل وحمَّل مسؤولية أسرته للحكومة المصرية، وناشد جمعيات حقوق الإنسان للتدخل وحمايتهم.

وأوضحت ابنة شومان في الفيديو الذي نشرته عبر صفحتها الرسمية بموقع التواصل الاجتماعي “فيس بوك”، أنها تعلن استياءها مما قاله أباها في البيان، بل أنها تحاول التخلص منه ومن ازعاجه لها نهائيًا، وأرادت التبرؤ والتخلص من اسمه في بطاقتها قائلة: “أنا بناشد الحكومة المصرية عاوزه اشيل أسمه من البطاقة”.

وأضافت لوجين في الفيديو: “اللى أصدر بيان النهاردة بيدعى فيه أن عائلته بتموت بالبطىء، على صفحتة الرسمية بيناشد فيه السلطات المصرية أنها تنقذ أسرته إلى بتموت بالبطىء، أسرته إلى هيا انا وأختى أميرة وأحمد، ويتم الأفراج عن أخويا بدون شروط ، أولا احنا مش أسرتك، انت مجرد اسم على البطاقة”.

وتابعت لوجين شومان: “أحنا ليست لينا أى علاقة بيك ، أنتا مجرد اسم على البطاقة، وليست لينا علاقة أوصلة بيك، منذ 5 سنوات، أبنك الى تخليت عنه وهو عنده سنة ونصف، وإلى اتربى مع مامته، إنت مش رب أسرتنا، واحنا رب أسرتنا أمنا، وانت مش مسئول عننا، ولا مسئول مننا، مش من حقك تطلع تتكلم بلسانا”.

واستكملت حديثها في الفيديو: “أنت تتكلم عن أخوك وابنه بس مالكش دعوة بينا، وهو بيتحقق معاه علشان يتأكدوا أنه ما فيش صلة بيك تمامًا، وهيطلع  ماتدخلش أرجوك، ولو عاوز تعمل صورة الأب، اللي هو عاوز ينقذ أولاده انزل وواجه ده بنفسك بس ماتبقاش قاعد فى بلد تانية وتتكلم باسمنا”.

وأضافت: “حاولنا نشيل اسمك ونرفع قضايا بس ماعرفناش وبنوجه رسالة للسلطات لو هما يعرفوا يساعدونا نعمل ده خليكوا معانا احنا بنحاول، وأرجوك ماتتكلمش بلسانا، وماطلعش بيانات تانى انت بتعمل ده بس علشانك فقط.. أنت بتتكلم عن فيلم وبتعمله له دعايا على قفانا”.

واختتمت قائلة: “مش عارفة أقولك ايه الحقيقة، أنت بتقول إن إحنا بنموت بالبطئ، ووجوده أذى لينا، إحنا موجودين هنا بإرادتنا، مافيش أذى من الدولة علينا، وجودك هو الأذى الوحيد فى حياتنا، إحنا هنا علشان عاوزين نفضل هنا ومن غيرك”.

ناشدت السلطات التبرؤ منه.. ابنة محمد شومان: بلاش دعايا على قفانا انزل واتحمل المسئولية

وعلقت لوجين على الفيديو قائلة: “اضطريت آسفه أعمل الفيديو ده بعد ما تجنبته لسنين، لأسباب كتير أوي منها أن ناس قليله جدًا اللي تعرف أنك بابايا، فعلًا كان نفسي ،كمل كده و محدش يعرف، ده رد عالبيان اللي محمد شومان أصدره انهارده علي صفحته”.