أول تعليق من السيسي على غلق المساجد وصلاة التراويح
قال الرئيس السيسي، خلال افتتاحه مجموعة من المشروعات التنموية في سيناء: “بالنسبة للناس اللى زعلانه علشان صلاة التراويج وغلق المساجد، بقول إن معلش الشهر ده بس علشان دي ضرورة مش بقول رأي فقهي، ولكن ده كمان رأي طبي ورأي ديني الاتنين مجتمعين سوا، والضرورة تقتضى ذلك والمصلحة أيضا”.
وتابع الرئيس: “إن شاء الله القادم خير وربنا هيساعدنا لإن مصر تستحق قيادة وشعب.. ربنا هيحافظ علينا وهيساعدنا”.
من جهة أخرى وجه الرئيس السيسي رسالة للأطقم الطبية وأطقم التمريض والعاملين فى المستشفيات.
وقال الرسيسي خلال افتتاح عدد من المشروعات القومية بسيناء: “عليكم بمزيد من الحرص وأخذ الحيطة فى إجراءات السلامة والوقاية من فيروس كورونا.
وأضاف: “خلوا بالكم مش هقول إننا محتاجينكم فى الفترة اللى جايه.. لا إحنا محتاجينكم على طول.. ربنا يحافظ عليكم وبكرر شكرى ليكم”.
من جهة أخرى، وجه الرئيس عبد الفتاح السيسي، حديثه أثناء افتتاح محطة معالجة مياه الصرف بالمحسمة في الإسماعيلية، إلى رجال الأعمال والمستثمرين في مصر.
وقال الرئيس: “هل في حد من رجال الأعمال والمستثمرين مستعدين يعملوا طرق زي شرم الشيخ أو طابا أو انفاق زي اللي بنتكلم عليها وبتكلف مليارات كثيرة”.
واستطرد: “مهتمين بتعمير سيناء وتجتذب جزء من حجم السكان في الدلتا والصعيد.. مين يدفع 600 مليار جنيه لتدشين بنية أساسية؟.. احنا بفضل الله منتبهين قوي للمسئوليات اللي ربنا حطها في رقبتنا لبلدنا.. اتمنى رجال الأعمال يكونوا موجودين معانا ويشاركونا في المشاريع اللي تم تنفيذها”.
وأردف: “مش بقولك تعالى أعمل مشروع بل تعالى شارك في إدارته والعوائد اللي جاية منه.. مستعد أخلص مشاريع قد كده 100 مرة”.
وفي سياق متصل، قال الرئيس عبد الفتاح السيسي، إن الدولة المصرية حريصة على تأمين العمال في مواقع العمل المختلفة، ضمن إجراءات الدولة لمواجهة فيروس كورونا المستجد.
وشدد الرئيس خلال افتتاح عدد من المشروعات القومية بسيناء، وأبرزها انتهاء أعمال الحفر بنفق الشهيد أحمد حمدي 2، على توفير التأمين اللازم للعمال في مواقع العمل المختلفة، قائلًا: “حرصنا على توفير التأمين اللازم في كل مواقع العمل المختلفة وهنأمن العمالة أكثر بالتنسيق مع وزارة الصحة والشركات ووزارة الدفاع.. أي حد عاوز يشتغل من فضلك اطلع على العاصمة ورشيد والعلمين في شغل”.
وتطرق الرئيس للحديث عن الأعمال في كوبري العروبة، متابعًا: “جاتلي شكوى في كوبري العروبة.. قالولي خلي الناس تبطل شغل بالليل قلتلهم والله العظيم الدق في دماغي 24 ساعة بس أنا مش هبطل”.
وأكد الرئيس أن الحكومة تعمل ليلًا ونهارًا من أجل معدلات النمو التي كنا نحلم بيها، مشددًا على إصراراهم على العمل بذات المعدلات وأكثر.
