أنا بقالي خمس سنين في معاناة.. محمد شاهين يوجة رسالة لجمهوره (صورة)
أعرب المطرب محمد شاهين عن حزنه بعدم الاهتمام الكافي بموهبته من قِبل السوشيال ميديا وكذلك على أعماله رغم كفاءته وتفوقه، حيث وجه رسالة لكل جمهوره عبر حسابه الشخصي بموقع التواصل الاجتماعي فيس بوك، كشف فيها مدي المعاناة التي يعانيها منذ 5 سنوات.
وكتب عبر حسابة بـ”فيس بوك”، قائلاً :”ساعات كتير قوي بقعد أفكر في كلامكم وتعليقاتكم علي السوشيال ميديا كلها ليا وعلي فكرة الكلام بيأثر فيا قوي، لما ألاقي الناس بتقولي أنت فين مختفي ليه، أنت محتاج تسويق صح،أنت محتاج شركة إنتاج كبيرة تعرف تحطك في مكانك الحقيقي”.
وتابع: “أنا آسف أن البوست طويل شوية، بس ياجماعة أنا من 5 سنين وأنا في معاناه حقيقية، بس تعرفوا كل لحظة اتعلمت فيها حاجات كتير أنا كنت لا املك أي خبرة في الحياة العملية بنسبة لشركات الأنتاج ولا الشغل ولا السوق، بس اللي فعلا اكتسبته الناس اللي بتحبني من قلبها بدون اي مصلحة وبدون اي حوار”.
وأوضح : قدري كان في شركتين إنتاج مش هقول أكتر من الحمد لله، اتعلمت حاجات كتير في ال 5 سنين كتير قوي بس أهم حاجة اتعلمتها أن مفيش حد بيبقي علي حد مهما كان حتي لو اقرب الناس ليك كل واحد في الدنيا بيقول نفسي ثم نفسي ثم نفسي لاكن محدش بيطبطب علي جرح حد أنا علي فكرة مازلت بتعلم ومش عيب ولا غلط، متخافوش عليا ومش عايز اي حد بيحبني يزعل انا كويس والحمد لله وعارف قيمة نفسي من ساعة ماربنا خلقني علي وش الدنيا محدش وقف جمبي اللا ربنا وانتو وحبكم ليا في البرنامج علشان كدة “
وأضاف في حديثه :” أنا أخدت قرار أن اللي جاي بأمر الله هيكون كله بالورقة والقلم، ولازم اركز كويس ربنا كبير ومش بيسيب حد وانا مش هسامح اي حد ظلمني في ال 5 سنين نهائي مش هسامح حد وقف في طريقي”.
واختتم: “اللي طالبه منكم بس تدعولي في كل صلاة، وأنا عارف أن ربنا شايل حاجات كتير حلوة ليا، زي ماعرفني عليكم واتعرفتوا عليا قادر علي أنه يديني ويكرمني كل واحد هياخد اللي كاتبه ليه ربنا بس في معاده “.
وفي وقت سابق، وطرح المطرب محمد شاهين ألبوم “ده اللي جاي”، عبر جميع التطبيقات الإلكترونية وعلى “يوتيوب”، وضم الألبوم 12 أغنية متنوعة.
محمد شاهين يطرح ألبومه “ده اللي جاي” على جميع التطبيقات الإلكترونية (صورة)
محمد شاهين يحتفل بألبومه الجديد مع فادي إبراهيم على محطة 9090
محمد شاهين يبدع في حفل ألبومه “ده اللي جاي” بساقية الصاوي
