أحمد فلوكس عن كورونا: “إللي أسوء منه تضليل علاجه.. وده رسالة من الخالق ولازم نفوق”
شارك الفنان أحمد فلوكس برأيه في أزمة فيروس كورونا والذي تفشى في العالم، وأدى إلى فرض حظر تجوال في مصر للحد من انتشاره، وذلك من خلال لقائه في برنامج “شيخ الحارة والجريئة”، والذي تقدمه المخرجة إيناس الدغيدي، على شاشة القاهرة والناس.
وقال فلوكس: “اللي أسوء من فيروس كورونا، هو تضليل العلاج وأنك تبقى عارف في علاج وتسكت، والفيروس مش موضوع وباء ولكن دا من عند الله، خلى العالم كله خايف من حاجة مش واضحة للإنسان، ودا يعتبر رسالة من الخالق ولازم نفوق.”
أحمد فلوكس عن محمد رمضان: “من بعد عادل إمام ومحمود عبد العزيز مبشوفش نجوم”
كما وجه من خلال برنامج “شيخ الحارة” رسالة مؤثرة لوالده الفنان فاروق فلوكس، قائلا، “لو قدامي أنقذ شخص من الكورونا هيكون أبويا.. ماليش غيره .. مهما كنت مسئول .. الأب ضهر، ولو فى حد بيحترمنى .. هو بيحترمنى علشان أبويا.. غير كده انا ماسويش حاجة”.
وتابع: “أقول له اتعلمت منك كتير واستحملتنى وانا صغير كتير أشكرك على كل كلمة بتقولهالى واحساسك اللى بتوصلهولى ربنا يديك الصحة وطول العمر.. وأتمنى تكون شايفنى زي ما انت تكون بتتمنى.. وأتمنى أكون سببتلك جزء بسيط من السعادة.. وربنا يقدرنى أردلك جزء من اللي ادتهولي”.