صبري فواز عن السبكي: “مش بجامله علشان لقمة العيش وعنده أعمال وشغل رائع”
قال الفنان صبري فواز إن شغله الشاغل هي الأعمال التي يقدمها: “أنا طول الوقت يهمني أعمل دور حلو ويطلع فيه قدراتي التمثيلية”.
وجاء ذلك خلال استضافته ببرنامج شيخ الحارة والجريئة مع إيناس الدغيدي على قناة القاهرة والناس، ورد على ما يتم تداوله حول عدم انتشاره وسط الجماهير: “الناس مش حافظة اسمي بسبب التقديم الإعلامي، وفي مسلسل بين السرايات، نزل ساعتها 8 أسماء من الأبطال، ومكنتش فيهم”.
أما عن علاقته بشركة السبكي ورأيه في الأعمال التي يقدمونها، رد صبري فواز وقال: “لا أجامله علشان لقمة العيش، ولكن علشان عنده أعمال وشغل رائع، والناس لحد انهاردة بيتفرجوا على رمضان كريم، والسبكي بينتج أفلام كويسة جدا وأفلام نص نص، وأفلام أي كلام زي أي حد”.
وذكر أحد المواقف التي جمعته بالسبكي أثناء تصوير مسلسل رمضان كريم وقال: “أنا مبطلبش من الناس تبعتلي فلوسي، الفلوس بتجيلي لحد عندي، وأثناء تصوير رمضان كريم سمعت السبكي بيتخانق مع المحاسب وبيقوله طلعله دفعة من فلوسه، لأنه مبيطلبش”.
وعن تعامله مع السوشيال ميديا وطبيعة تعاونه مع الجمهور قال: “أنا حاد جدًا على السوشيال ميديا، وفي ناس بتدخل ترد على آرائي وتغلط فيا، وأنا مش محتاج أجمل نفسي”.
الليلة.. الفنان صبري فواز ضيف إيناس الدغيدي في برنامج شيخ الحارة والجريئة (فيديو)
إنجي علي لـ”شيخ الحارة والجريئة”: “مينفعش أوزن تاريخ عمرو دياب بتامر حسني” (فيديو)
