حلمى بكر: “أرفض شعبة الغناء الشعبى فى النقابة.. هما الحرامية ليهم شعبة؟”
علق الملحن الكبير حلمى بكر ، على مسألة زواج بين بنت صغير ورجل كبير في السن، قائلا، “يوم ما أى اتنين بيتقابلوا مش بيقولوا لبعض سنك كام سنة، ولكن اللى بيحصل بينهم نقاش، واللى انفصلت عنهم أصدقائى وفى منهم اللى عاوز يرجعلى، وفى علاقات كتيرة ناجحة فى فارق السن الكبير”.
وأضاف بكر فى برنامج “شيخ الحارة”، مع إيناس الدغيدى، على قناة القاهرة والناس، “فى مغنيين كتير نفسى أٌقعدهم فى البيت بس لو قولت اسم حد منهم هشهره وهنجحه وهخليه يرفع أجره، المطلوب من المطربين “القبول والذكاء والإدارة”.
عبد الباسط حمودة عن مطربي المهرجانات: “جابولنا كورونا”
وقال حلمى بكر تعليقا على رغبة حمو بيكا فى أن يلحن له:”هو عرض عليا وأنا رفضت.. ربنا يوفقه.. المسيرة ماشية والطابور طويل.. فى مطربين نجحوا بالضجة.. يعنى مثلا أنا بحب صوت شيبة ورضا البحراوي وبيعبروا عن الشعبية”.
وتابع بكر:”بيكا عرض عليا فلوس بس أنا مش هفيده.. كان فى نظام اتعمل زمان فى نقابة الموسيقيين بالنسبة للمنتسبين، ولكن النقابة بدأت تتصدى لهم، وأنا أرفض شعبة الغناء الشعبى، فهل الحرامى له شعبة؟”.
وعلق بكر على وجود مغنى شعبى مثل سعد الصغير قائلا:” زمان كان فى شكوكو واسماعيل ياسين ماتخرجوش من معاهد، بس كانوا موهوبين، وثقفوا نفسهم بنفسهم، وهو ما ينطبق على سعد الصغير، واللى قبلته لأن لديه قبول ودمه خفيف والأفراح كلها بتطلبه دلوقتى”.
وفى فقرة “سيرتك على كل لسان، قال بكر، لا أمتلك ثروة، ولو غيرت أسلوبى هعمل فلوس قد كده، ماقدرش أساعد المغنيين دول، طالما الأساس مش كويس، ووقفت جنب أصوات كتيرة موجودة دلوقتى، بس مش كل من هب ودب هقوله وهقف جنبه”.
عبد الباسط حمودة: حسن شاكوش بيزعق في الغنا ومحمد رمضان مبيقولش ألفاظ خارجةالغنا
