الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

بعد شكر تامر مرسي.. ريهام سعيد: “قررت أشتغل خارج مصر وعودتي هتكون قوية” (صور)

القاهرة 24
فن
الجمعة 15/مايو/2020 - 04:55 ص

أشادت الإعلامية ريهام سعيد، بالجهود التي يبذلها المنتج تامر مرسي المالك لشركة “سينرجي”، ورئيس مجلس إدارة الشركة المتحدة للخدمات الإعلامية، في تقديم عدد كبير من الأعمال الدرامية، المنافسة في السباق الرمضاني الحالي.

ونشرت الإعلامية صورة لتامر مرسي على حسابها الشخصي بموقع “انستجرام”، وعلقت عليها قائلة: “تامر مرسي اشتغلت معاه و اختلفنا كتير و مكنتش أعرف إن كل الجبل ده شايله علي أكتافه، الراجل ده لازم نقدم له كل التحيه لأن هو اللي أنتج كل المسلسلات الي إنتوا معجبين بيها دلوقتي و حديثكوا طول الوقت عنها.. ركزنا في الممثلين و المخرجين و نسينا ان من غير انتاج محترم بيختار أعمال محترمة و بيقدم كل الأدوات للممثلين و المخرجين عشان يبدعوا و يقدموا لنا اللي إحنا شايفينه دلوقتي”.

وتابعت: “صور و انتج و عرض في وقت عصيب و كان بيطالب أنه يوقف تصوير عشان التجمعات.. صمم و الناس كلها عرضت حياتها للخطر لاسعادكوا.. تخيلوا وسط الزهق ده مفيش مسلسلات أو مفيش مسلسلات تشد و قيمه كان نفسيتنا هانكون ازاي؟ أيوه هو شهر عباده لكن بعد ما نتعبد الوقت الي كنا بنتزاور فيه و بنشتغل فيه و بنخرج فيه كان هايتملي إزاي؟”.

ريهام سعيد على انستجرام
ريهام سعيد على انستجرام

وأضافت: “تامر مرسي وراه جهاز محترم و دوله محترمه وراه ساعدته كتير علي اتمام المهمة.. من أصغر عامل في اللوكشن لمديرين إنتاج لملابس و ماكياج و إضاءة شكرا.. بقول من قلبي شكرا و بقول إن هناك جندي مجهول اسمه الأستاذ تامر مرسي يجب كل فنان تألق السنه دي يقول له شكرا وواجب علينا كلنا نقولك شكرا على المجهود الجبار و شكرا علي إحترام عقولنا و شكرا علي انك كنت عامل مساعد أن نفسيتنا ماتتعبش.. مصر بتنتج و بتحاول تعيش طبيعي في أوحش الظروف.. تحيا مصر”.

واختتمت مؤكدة على أنها سوف تعمل خارج مصر بعدما تم فصلها لمدة عام من قبل المجلس الأعلى للإعلام، فقالت: “معلومه أنا قررت اشتغل بره مصر و هاتكون عودتي قويه جدا باذن الله تعالى.”

ريهام سعيد على انستجرام
ريهام سعيد على انستجرام

 

تابع مواقعنا