محمد زيدان لـ شيخ الحارة: خلافات مع فريقى الألمانى سبب اعتزالى لأنى عنيد
أكد نجم منتخب مصر السابق، محمد زيدان، أن ارتباطه بـ مي عز الدين لم يكن أبدا لنسيان زوجته الأولى الدنماركية، قائلا، كنت أعرف مي عز الدين من قبل ما أنفصل كأصدقاء، وعلاقتنا تطورت ولكن اختلاقنا أنا ومى بسبب ظروف الشغل فى وقت خطوبتنا، ولحد دلوقتى تربطنى بمي صداقة، وهى انسانة جميلة، وكل الناس بتحبها، وأنا علاقتى بمراتى كويسة، ولكن لو مى فى ظروف صعبة مش هتخلى عنها”.
وتابع زيدان فى برنامج، شيخ الحارة مع المخرجة إيناس الدغيدى، على قناة القاهرة والناس، تعلقا على تأثير السهر على مسيرته الكروية، لما كنت باجي مصر وانا بلعب فى ألمانيا كنت بسهر بسبب طبيعة مصر المختلفة عن ألمانيا، وتأخر التدريبات، عكس ألمانيا، واعتزلت بدرى لأسباب مالهاش علاقة بالسهر، زي قرارى الخطأ بتركى للدورى الألمانى واتجهت للإمارات، بسبب خلافات مع فريقى الألمانى، وحسيت أن الموضوع شخصى فعاندت معاهم علشان أخد مستحقاتى”.
محمد زيدان لـ”شيخ الحارة”: لم أندم على زيارة علاء وجمال مبارك فى السجن
فى فقرة سيرتك على كل لسان، علق زيدان على أزمته مع الشناوى ومعاملته مع زملاءه بغرور، قال، “عمرى ماتعاملت بغرور مع أى شخص من الفريق وعلاقتى كويسة مع كل اللاعبين، وأحيانا بيكون فى عصبية ملعب”.
محمد زيدان برفقة طفله الرضيع (صورة)
وتابع زيدان، أبو تريكة لاعيب كبير، وقوة مهمة للفريق، ولكن اللى ميز جيلنا هو اللعب الجماعى، والروح الجماعية والقتالية، وفى نفس الوقت تريكة لاعيب هادئ وملتزم وكل اللاعبين بتحبه، ومافيش اتنين اختلفوا عليه”.
كما علق على مقلب هانى رمزي، قائلا، “ماكنتش عارف المقلب، لقيت العربية على الجبل فجأة”.
