• بحث عن
  • طبيب يكشف بروتوكول العلاج الأنسب لحالات الأعراض البسيطة من مرضى كورونا

    كشف الدكتور محمد علام، نائب مدير مستشفى النجيلة للعزل الصحي لمصابي فيروس كورونا المستجد سابقًا، تفاصيل للتعريف بمعنى بروتوتكول العلاج لمصابي الوباء، مشيرا إلى أن علاج للاعراض وفيتامينات ومضاد حيوي لمنع حدوث عدوى البكتريا وعلاج للانفلونزا الموسمية وبعض الأدويه التجريبية.

    وأضاف علام:” أنه في حال عدم شعور المريض بأعراض، يمكنه الاعتماد على الأكل الصحي والفاكهة والعصائر الطبيعية، إلا في حال كان المريض هذيل ولا يأكل بطبيعة الحالة، ويتم كل ذلك تحت إشراف طبيب تغذية”.

    وأكمل علام:”بالنسبه لعلاج الأعراض معندكش سخونيه ولا الم هتاخد باراستامول ليه؟، ملهوش لزمه مش هيحمى والمسكنات عمال على بطال مضره، علاج للسعال وانت معندكش سعال ملهوش لزمه المضاد الحيوى نصيحه لوجه الله بلاش نشتريه غير لما نكشف لأنه مش علاج ده للوقاية من حدوث عدوى بكتيريه وأنت إيجابى لكن مش هيمنع إصابتك بالكوفيد ولا هيعالجه فنخلى اختيار النوع ومده العلاج للطبيب لان كثره استخدام المضادات الحيويه كارثه طبيه وهتادى لظهور انواع من البكتريا اسوء من الكوفيد وإحنا بنحذر منها من سنين”.

    شركة صينية تكشف لقاح أظهر نتائج جيدة في علاج فيروس كورونا

    وأشار علام:”علاج للإنفلونزا الموسمية لما تكشف ويكون عندك أعراض قبل كده ملهاش لزمه، ادوية السيوله خطر خطر خطر متتاخدش غير فى المستشفى او تحت اشراف طبيب بعد عمل تحاليل طبيه لانها ممكن تؤدى لمشاكل صحية ضخمة، أهم نقطه هى الهيدروكسى كلوروكين والكلوروكين وهل يستخدم للوقايه ولا لا؟، أمريكا نفسها اللى تصريحات رسمية بتقول استخدموا الكلوروكين قالوا فى موقع FDA منظمة الاغذيه والأدوية أنهم مصرحين لاستخدام الكلوروكوين فقط فى حالات طارئة وتحت إشراف طبيب كعلاج تجريبى”.

    وأردف علام:” في تدوينة على موقع التواصل الاجتماعي فيس بوك الهند نفس الكلام، فرنسا تبنته فى الأول بناء على دراسة محدوده فقط 50 مريض ورجعت فى كلامها لما أثبتتب أن الدراسة خاطئة وقالت مازال تجريبى فى حالات معينه وممنوع بدون اشراف طبى، بريطانيا بدئت تجربته كعلاج وقائي من أيام لعدد محدود جدا، وحتى بروتوكول العلاج المصرى بيقول يستخدم بعد عمل رسم قلب وممنوع فى حالات معينة ويتم متابعة المريض”.

    وأضاف علام:”فى دراسة من أيام معمولة على عدد فوق الـ90 ألف مريض 11 ألف اخدوه و80 ألف مخدهوش جمعوا بيانتهم لقوا أن ملهوش تأثير فى معدل الوفيات بالعكس بيعمل مشاكل واتوقف لبعض المرضي اللى دخلوا فى المشاكل وقالوا إن لازم يتكمل عليه الاختبارات تحن رعاية طبية هو علاج قديم وفعال ورخيص فى أمراض معينة لكن حتى الآن لم يثبت فاعليته والمثبت فقط أضراره الجانبية اللى ممكن نتلاشاها لو فى متابعة طبية ورسم قلب وغيره معنى الكلام علشان الناس متتوهش منى فى تجارب عليه ومينفعش بتاخد بدون إشراف طبيب وإذا كان أنت مش فى مرحلةخطر يبقى ملهوش لزمة جسمك بيتعامل كويس بدونه نخليه للحالات الخطر تحت إشراف أطباء فقط وقاية لا مش هيقى بالعكس ممكن يموت أو يعمل أضرار أكبر ولسه عليه تجارب فى الحكاية دى فأنا شايف أن خطره أكبر من فائدته لما تخلص التجارب نشوف ساعتها ليه لزمه ولا لا”.

    “روحنا في توك توك”.. حميات المنوفية تقرر خروج مصابي كورونا فجأة دون صرف العلاج

    واختتم علام:”العلاج مكانه المستشفيات مش النت ولما تكون إيجابى أو عندك أعراض هيتقالك تاخد إيه وتتحجز ولا تتعالج فى البيت واعتقد بعد استقبال الحالات فى أكتر من 300 مستشفى الموضوع هيبقى أسهل وهنتكلم بالتفصيل فى بوست تانى إزاى تتعامل فى البيت”.

    الوسوم

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *


    إغلاق