• بحث عن
  • إجراء عملية جراحية لمصاب بفيروس كورونا وإنقاذه من بتر ساقيه (صور)

    أجرى عدد من الأطباء بمستشفى التأمين الصحي بمدينة نصر، عملية تسليك لجلطة حاده بأحد شرايين بالبطن وشرايين الساقين لمريض مصاب بفيروس كوورنا، وذلك لإنقاذ المريض من بتر الساقين.

    و كتب الدكتور محمود سامي، عبر حسابه الشخصي على موقع التواصل الاجتماعي “فيس بوك”: “ايوه زي ما قريت مريض إيجابى مش حتى اشتباه.. أنت مستوعب؟!!، يعنى الجراحين وطبيب التخدير وتمريض غرفة العمليات كلهم كانو بيتعاملوا ومعرضين بسهولة أوي للعدوى؟”.

     اجراء عملية تسليك لجلطة حاده
    اجراء عملية تسليك لجلطة حاده

    وأضاف سامي: “شوفتوا يا جماعة الدكاترة لابسة ايه في صور؟؟ هي دي أدوات الحماية الشخصية اللى إحنا بنطلب انها تتوفر في كل المستشفيات لأن اغلب المستشفيات مفيش فيها إلا الماسك الجراحي البسيط وهو ما يحمينا بنسبة ضعيفة وعشان كده الإصابات عالية بين الأطقم الطبية وده لحمايتك قبل حمايتنا.. يعني لو حد فينا مصاب وداخل عليك لابس كل ده مستحيل تتصاب أو يجرالك حاجة لأنه معزول داخل ملابس الحماية الشخصية اللى في الصورة”.

    وتابع: “مش هنعمل بقى مقارنات فارغة.. ولا ننساق ورا الكلام اللي بقاله كام يوم مغرق السوشيال ميديا ونقول أصلهم إخوان أصلهم خايفين وكلام ملوش لازمة.. البوست ده من باب إعطاء كل ذى حق حقه.. البوست ده عشان نقول تسلم أيديكم.. البوست ده عشان نقول عاش الأبطال اللى شايلين روحهم على ايدهم شكرا دكتور حسين أبو الفتوح، استشاري جراحة الأوعية.. أبو راغب حسين شكرا.. دكتور محمد يحيي، طبيب مقيم جراحة الأوعية، اللي بقاله أسبوع فى المستشفى ماروحش بيته.. شكرا دكتور أحمد كمال، أخصائي التخدير، ودكتور إبراهيم أبو سمرة، شكرا مس فاطمة، تمريض العمليات،، مس ندا، شكرا عم حجاج، عامل العمليات”.

    اجراء عملية تسليك لجلطة حاده

    واختتم سامي: “هما دول أطباء مصر اللي قاعدين تشككوا ف وطنيتهم وتقولوا هما سبب فشل المنظومة الصحية ومستكترين عليهم يطلبوا وسائل الحماية الشخصية ومكان يتعالجوا فيه لما يتصابوا وهما هما في نفس الوقت اللي بيمثلوا نسبة 60% من الأطباء ف السعودية واللي حققت نجاح مبهر في التعامل مع الأزمة”.

    الوسوم

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *


    إغلاق