الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

ميدو عن أزمة تركي آل الشيخ مع الأهلي: ” لو كان محمود طاهر موجود ماكنش هيحصل كل ده” (صور)

القاهرة 24
رياضة
الأربعاء 03/يونيو/2020 - 11:30 ص

علق أحمد حسام ميدو المدير الفني لفريق مصر المقاصة السابق على الأزمة التي حدثت بين تركي آل الشيخ رئيس هيئة الترفيه السعودية ومجلس إدارة النادي الأهلي بقيادة محمود الخطيب.

 

وقال أحمد حسام ميدو عبر حسابه الشخصي على موقع التواصل الاجتماعي “تويتر”: “‏المشاكل اللي حصلت بديهية الأهلي متعود ان اي حد يصرف وما يتكلمش وطبيعة ترك ال الشيخ مش كده الراجل شخصية قيادية وعايز الأهلي يبرز دوره في اي حاجه بيعملها للنادي وده حقه”.

وتابع لاعب الزمالك الأسبق: “‏أي حاجه عايمة ومش مبنية على الاتفاق من الأول في الآخر بتبوظ وبيبقا شكلها وحش وبتعمل مشاكل..دي أساس المشكلة..الأهلي مشي بمبدأ تعالى بس اصرف وهنعملك اللي أنت عاوزه تعالى بس يا راجل الأهلي بيتك وبعد كده هوب لا اوعى تتكلم احنا الأهلي ماعندناش الكلام ده!!”.

واختتم حديثه قائلًا: “‏الأهلاوية المعتدلين عارفين ان الكلام اللي بقوله صح ووالله لو كان نفس الكلام على الزمالك كنت هقوله..اخيرا وده أكيد لو محمود طاهر كان رئيس الأهلي ماكانش اي حاجه من الكلام ده حصلت وده مايقللش من حبي للكابتن محمود الخطيب واعتزازي الكبير به كلاعب وكشخصية محترمة جدا”.

وسبق وأعلن النادي الأهلي في بيان رسمي، رفع اسم آل الشيخ من قائمة الرؤساء الفخرية للقلعة الحمراء إلى جانب مطالبة وزارة الشباب والرياضة بإعادة جميع التبرعات والهدايا التي قدمها مالك نادي بيراميدز السابق للأهلي بعد وصلة الهجوم الأخيرة التي تعرض إليها مجلس الإدارة على يد الرئيس الشرفي السابق للقلعة الحمراء.

الأهلي يقرر رفع اسم تركي آل الشيخ من الرئاسة الشرفية للنادي

تركي آل الشيخ: سأتبرع بالأموال والهدايا العينية بعد حصرها لصندوق “تحيا مصر”

تابع مواقعنا