شقيق حسين الشحات عن تسريب العقد: “عمرنا ما اتشرطنا على حد.. وتيشرت الأهلي أغلى من ملايين الدنيا”
علق محمد الشحات، شقيق حسين الشحات جناح النادي الأهلي، على واقعة تسريب عقد شقيه من قبل أحد الصحفيين.
ونشر محمد الشحات عبر صفحته الشخصية على موقع التواصل الإجتماعي”فيسبوك”، “انا بقالي فتره كبيره مليش دعوه بي الميديا ومريح دماغي خالص بس بما إني في حاجه اتقالت في حقنا لازم ارد وارد بتربيتي اللي أمي ربنا يبارك في عمرها ربيتني عليه”.
وتابع:”بما ان الظروف هي اللي فرضت نفسها مش حاجة تاني وبما ان الايام دي واللي فاتت الكلام كتير عن قيمة عقود اللاعبين حابب اقول كلمتين”.
حسين الشحات: لا أفكر في الرحيل عن الأهلي
وواصل:”اول حاجة مبدأ تسريب عقود اللاعيبة امر مرفوض لاي لاعب وخيانه امانه ثانيا وسط ضغوط كتير وكلام مش حابب اكرره او اخوض في تفاصيله بس اظن ان الناس عرفت دلوقتي ان عمرنا مكنا بنتشرط ونقول يا كذا يا انا مش هنمضي والناس عرفت ان مفيش حاجة اسمها ١٥٠ مليون لا قيمة شراء ولا حتى عقد والحمد لله وكفى”.
وأضاف: “اللي اتنازل عليه حسين الشحات في ناديه السابق واللي بياخده في عقده الحالي اللي اصبح امام الجميع بيقول ان الايام اللي بتلف بتثبت يوم بعد يوم ان ربنا كبير وان نعمه الاهلي كبيره وملايين الدنيا متساويش نعمة تي شيرت الاهلي”.
واختتم كلامه قائلآ: “ربنا كريم وان شاء الله خير وكل حاجة ترجع وان شاء الله حسين يكون في حاله أفضل ما كنا عليه وان شاء الله نشوف النادي الأهلي بتاعنا تاني، انا اسف علي الاطاله”.
وتداول عدد من المصادر الصحفية ونشطاء السوشيال ميديا في الساعات القيلة الماضية صورة عقد حسين الشحات مع الأهلي، وقد كشفت راتب اللاعب وعددًا من البنود الخاصة في عقده.
