نادي القرن| عزمي مجاهد: “الزمالك بيدور على حقه بعد 20 سنة طب ربنا معاكم”

أبدى عزمي مجاهد، نجم كرة اليد بنادي الزمالك السابق، استياءه من فتح القلعة البيضاء لملف نادي القرن مجددا، مشيرا إلى أن هذا لقب شرفي.

وقال عزمي مجاهد في تصريحات لـ”القاهرة 24″: “والله نادي القرن ده لا يفرق مع النادي الأهلي ولا مع نادي الزمالك، هو لقب شرفي لا يزيد من أي الفريقين”، مؤكدًا أن نادي الزمالك من 1911 مش هيفرق معاه اللقب الشرفي”.

وعن عدالة نظام النقاط بالنسبة لنادي الزمالك قال مجاهد: “لو نظام النقاط ده معلن عنه من سنة 1994 مش من 2000 يبقى مفيش مشكلة، مضيفًا: “سيبك من الكلام ده، لأن المشكلة إن احنا جايين نتكلم بعد 20 سنة من فوز الأهلي بلقب نادي القرن”.

وأضاف مجاهد متسائلاً: “هل تتصور مهما قدمت من مستندات “كاف” سيغير قراراته؟”، ثم طالب مسئولي الزمالك الحاليين بالتركيز مع النادي قائلاً: “لازم نبص على اللي جاي ونطور أكثر، لأن نادي الزمالك من 1911 مش هيفرق معاه لقب القرن “.

وعن رأيه في تقديم الزمالك شكوى لاستعادة لقب نادي القرن قال مجاهد: “والله أنا مبحبش استبق الأحداث، هنشوف المستندات اللي هتتقدم والرد اللي هيجي عليها ايه”.

وواصل عزمي مجاهد قائلاً: “أنا بس شايف إن ده شيء شرفي من 20 سنة ليه نفتحها دلوقتي، مضيفًا: “جاي تدور على حقوقك دلوقتي طب “ربنا معاك بقى روح دور”.

وأتم عزمي مجاهد حديثه في هذا الشأن قائلاً: “لما كاف اتخذ هذا القرار أنا كنت في مجلس الإدارة ومعايا مرتضى منصور “ليه محدش اعترض”.

نادي القرن.. تعرف على طريقة اختيار الكاف لصاحب اللقب وكيف أصبحت الـ7 أكبر من الـ9

نادي القرن| سمير كمونة: الأهلي صاحب اللقب بالأرقام.. والزمالك من حقه تقديم شكوى

نادي القرن| نادر السيد: “الموضوع واخد أكبر من حجمه.. ومن حق الزمالك تقديم شكوى”