قصة معجبة هددها شقيق شيرين عبد الوهاب لاتهامها بنشر شائعة طلاق الفنانة (صور)
تسبب الفنان حسام حبيب زوج الفنانة شيرين عبد الوهاب، وشقيقها محمد، في إحداث انقسام بين جمهور النجمة، خاصة بعد تداول شائعات في الفترة الأخيرة عن طلاقها وحدوث شجار مع زوجها وصل حتى الضرب، مما جعل الفنان أحمد سعد يتدخل لحل المشكلة.
وبعدها خرج الثنائي ونفيا هذه الشائعات بطريقتهما الخاصة، وذلك عبر حساباتهما المختلفة على مواقع التواصل الاجتماعي، حيث استشهد حبيب بآية قرآنية يرد بها على مروجي الشائعات، بينما ردت الفنانة قائلة: “قريت أخبار أو بمعنى أصح إشاعات مالهاش أي أساس من الصحة ومش مظبوطة بالمرة..#بحبك_يا_صاحبي”.
وعقب نفي النجمين، دخل محمد عبد الوهاب شقيق الفنانة في مشاجرات مع واحدة من أقدم جمهور شيرين عبد الوهاب في العالم العربي وهي “ابتهاج العبدلي”، لأنه اتهمها بأن هي من نشر شائعة طلاق الفنانة بالاتفاق مع المنتج ياسر خليل، ولم يقف عند هذا الحد بينما خاض في شرفها، مما أثار جدل بين فانز شيرين غاضبين من هذه الإهانة.
وقالت العبدلي على حسابها الشخصي بـ”تويتر”: “مساء الخير إمبارح اختفيت عن الجميع اختفاء مروع جدًا أنا نفسي ما صدقتش أصحى منه بصراحة و ما كنتش ناويه أتكلم و كنت قد وعدي مع حسام أنه المكالمة تكون بينا بس لما لقيت حسام معرف البعض بالمكالمة و الكل بيتكلم ف قولت لازم أوضح اللي حصل عشان محدش يتكلم من عنده”.
وتابعت: “مش هتصدقوا أنه الفنان حسام زوج شيرين أتصل بيا إمبارح أه والله و أتكلمنا حوالي ساعة المكالمة ما كانتش زي ما البعض متخيل وأنه في شتايم أو غلط بسيط حتى ما كانش في أي حاجة من ده المكالمة كانت في حدود الأدب و كنا بنوضح لبعض وكل حد بيقول اللي عنده من غير غلط”.
واستكملت: “و من ضمن الكلام حسام قالي أنتي زي أختي و أنا دخلت كلمتك شخصيًا لأنه أنا و شيرين عارفين أنك من أهم الفانز و من الفانز الليدر لشيرين عشان كده أتصلت بيكي وأوضحلك بعض الكلام و الشائعات اللي بتسمعوها و تصدقوها و أنا نفس الكلام وضحتله حاجات هو كان فاهمها غلط و تقبلنا كلام بعض”.
وأضافت: “و عمومًا أسلوب الكلام بينا كان محترم وأنا وعدت حسام و شيرين أنه لا أجيب سيرته بخير ولا بشر في أي حاجة بكتبها وهكون قد وعدي معاهم ومش هخبي عليكم مدى فرحتي بكلامه و اعترافه أني من أهم وأكبر الفانز لشيرين دي بحد ذاتها حاجة كبيرة ومهمة وبالنسبة حسابي اللي طار ع الأنستا فدا شيرين”.
واختتمت: “و يا جماعة ياريت تعرفوا أنه الكلام على الشرف مش حاجة سهلة و ذنبها كبير عند ربنا ف مش أي حاجة تقولوها لمجرد أنك بتكره الشخص ده و حاجة أخيرة ياريت محدش يجيب سيرتي لا بخير و لا شر و كل حد يخليه في حاله و انتهى الموضوع على كده”.
شيرين عبد الوهاب تغني لزوجها حسام حبيب في أول ظهور بعد شائعة الانفصال (فيديو)
حسام حبيب بعد شائعة طلاقه من شيرين عبد الوهاب: “موتوا بغيظكم” (صورة)
