شقيقة طليق المطربة بوسي تتهم تركي آل الشيخ وحمدي بدر بإخفائه وتستغيث بالسيسي (فيديو)
فجرت شقيقة وليد محمد عاشور طليق المطربة “بوسي” والشهير بـ”فطين”، مفاجأة بشأن القبض على شقيقها من قبل مباحث تنفيذ الأحكام مؤخرَا، واختفائه دون معرفة أي تفاصيل عن مكانه، كاشفة عن تورط تركي آل الشيخ رئيس هيئة الترفية بالسعودية في محاولة الضغط على فطين بالتعاون مع حمدي بدر مدير أعمال الفنانة، وبأمر من المطربة الشعبية.
وظهرت شقيقة طليق المطربة “بوسي”، في بث مباشر تداوله مستخدمو مواقع التواصل الاجتماعي، قالت فيه: “أنا طالعة دلوقت بتكلم معاكم في إزاي عايزة انقذ أخويا من ظلم الفنانة بوسي، طبعا هي معروفة جدًا وكلوا عارف أخويا طلعها سابع سماء وهي نزلته سابع أرض، وأنا بستغيث بالرئيس عبد الفتاح السيسي”.
واستكملت: “أخويا بيضيع ياريس هتموته بجد، بتوع تنفيذ الأحكام جم أخدوه من بيته في الهرم، وليد محمد عاشور وسلموه لرئيس قسم الهرم محمد الصغير، ومتوصي عليه كويس جدًا ومش لاقينه كل مانروح قسم الهرم أو الطالبية مش لاقينه، وبعدين اتأكدنا إنه موجود هناك من واحد كان محبوس هناك”.
وأضافت: “وأما تركي آل الشيخ أنت مالك ومال أخويا أنت بتاع كورة، وحمدي بدر مدير أعمال محمد حماقي إزاي يكون مدير أعمال حماقي ده فنان جميل، بيضغطوا على أخويا وبينزلوه أوضه تحت السلم عشان خاطر يتنازل عن الشيكات اللي هو رافعها على بوسي، بسبب خلافات حصلت مابينهم هو اللي شهرها ووداها للسبكي وصارف عليها كل فلوسه، لفقتله قضية لما عرف أنها إنسانة خاينة، ومتستاهلش ولازم أي راجل ياخد موقف من واحدة خاينة”.
واختتمت: “هي طبعا مخلصهاش أنه ياخد موقف منها فراحت ولفقت له قضية واتفقت مع ناس كبير ومسؤلين في البلد، طب أنا أخويا عنده قضية يروح ويشوف هيتعمل معاه إيه انما ميحصلش كدة، ومنهم تركي آل الشيخ وحمدي بدر حتى رئيس قسم الهرم محمد الصغير بيقول إنه مش موجود عندهم، وجينا نشوف كاميرات العمارة ونفرغها لقيناها اتشالت عاملين مؤامرة على أخويا”.
View this post on Instagram
اخت زوج الفنانه بوسي بتقول كلا مهم جدا واسرار وفضايح بجد اول مره نسمعها #بوسي
زيادة الطلب على أمينة ومصطفى حجاج والليثى.. بعد هروب المطربة بوسي إلى لبنان
تأجيل محاكمة المطربة بوسي في قضية التهرب الضريبي لجلسة 30 ديسمبر
منع “بوسي” من السفر خارج البلاد.. ومحامي طليقها ينذر نقيب الموسيقيين علي يد محضر (مستندات)
