• بحث عن
  • بسبب علم مصر.. شريف منير يتعرض لحادث سرقة ويتقدم ببلاغ للنائب العام (فيديو)

    عهد هاني

    تعرض الفنان شريف منير لسرقة حسابه على موقع تبادل الصور والفيديوهات القصيرة “انستجرام”، ووجه رسالة للحرامي الذي ارتكب تلك الجريمة، وأوضح موقفه من تلك السرقة.

    وعبر شريف عن رأيه فيما حدث من خلال مقطع فيديو نشره عبر حسابه الشخصي على موقع “فيسبوك”، وعلق على الفيديو، قائلًا: “رسالة للحرامي”.

    شريف منير: رفضت الظهور على BBC وقلت لهم قضيتي شأن داخلي

    وظهر علم مصر خلف شريف منير خلال مقطع الفيديو، وقال: “الكدر كدا مظبوط والعلم منور أهو، العلم اللي تاعب الناس، العلم دا هيفضل ملازمني طول الوقتي، هيفضل معايا لحد ما اتلف بيه وانزل بيه القبر، فمتتعبوش نفسكو بيه، تريقة بقا فين العلم، نسيت يا شريف العلم، وهكذا”.

    وأضاف: “العلم دا في بيتي، وأقول فيه واعمل اللي أنا عايزه، إنما بقى فيه حرامية دخلوا البيت دا وسرقوا منه، هو مش البيت دا بالظبط، ولكن دخلوا على صفحتي على الانستجرام وشالو صورتي وأنا شايل علم مصر اللي تاعبهم وبيتريقوا عليه، شالو صورتي وأنا شايل التي شيرت وبهني محمد صلاح بعيد ميلاده، شالو صورة بناتي اللي عملت المشكلة الكبيرة، وبشكر كل الناس اللي دعمتني في الوطن العربي والعالم”.

    شريف منير يتحدى المتنمرين بعلم مصر: “حد ليه شوق في حاجة؟” (صور)

    وأردف: “قليل الأدب هيتجازى، وقلالة الأدب دول من نوع تاني، دول سرقوا صوري من على صفحتي، أو اللي مش عجباهم، اللي هي فيديوهات لتدعيم الجيش المصري، فيديوهات في حب مصر، فيديوهاتي أنا وبناتي وأنا في المطبخ، وصوري أنا وبناتي وبعض صوري اللي كنت فيها لوحدي، شالوا الصور اللي مش عجباهم، وسابولي اللي على مزاجهم، أنا مش على مزاجهم، بوجه بلاغ للنائب العام، ولمباحث الإنترنت، خليكو حواليا، عشان فيه ناس حرامية بتسرقني وفيه ناس بتهاجم الصفحة وبتقول كلام في منتهى السفالة والقذارة، بس أنا مبستسلمش ومبخافش”.

    واختتم شريف حديثه: “أنا موجود، والعلم دا هيفضل موجود في أي حتة، اللي مش عاجبه أخرج برا صفحتي، أنا مش لوحدي، أنا داعمني ناس من مصر والوطن العربي ومن العالم كله، الحمد لله على نعمته، أنا مبخافش، ومبكلش وبستمر وهفضل على موقفي”.

    شريف منير: “مش هسامح في حق بناتي.. ومباحث الإنترنت هتجيب هؤلاء المتنمرين”

     

    الوسوم

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *


    إغلاق