لأول مرة وسط جدل.. فتاة ثلاثينة تعرض نفسها للزواج على “فيس بوك” بسبب إجراءات كورونا (فيديو)

” أنا مها أسامة عندي 32 سنة، وعارضة نفسي للجواز على الفيس بوك، وعارفة أنا القرار مش سهل وهيجيبلي مشاكل كتير”، هكذا ظهرت فتاة ثلاثينة من العمر على موقع التواصل الاجتماعي “فيس بوك” عن طريق “بث مباشر” لكي تعرض نفسها للزواج، الأمر الذي جعل هناك حالة من الجدل بين متابعيها ومستخدمو موقع التواصل الاجتماعي.

في البداية، قالت مها أسامة، إن هذا الفيديو سيسبب لها الكثير من المشاكل، ولكنها لا تقوم بارتكاب شئ خطأ، مشيرًا نحن نري الظروف التي تمر بها البلاد خلال الفترة الحالية قائلة: ” مفيش خروج ومفيش كافيهات ومفيش جيمات والدولة شايفه أن ده الصح عشان تحافظ على صحة مواطنيها، والطبيعي دلوقتي أن كل بني آدم يعمل اللي هو شايفه صح.. زي ما الدولة عملت وخدت الإجراءات عشان تحافظ علينا كل واحد يعمل اللي شايفه صح اللي يحافظ على سلامته”.

وأضافت “أسامة”، ” أنا عندي 32 سنة وعارضة نفس للجواز على الفيس بوك”، مشيرة إلى أنها تدرك أن هذا القرار ليس سهل، ويسبب لها العديد من المشاكل، لافتة إنها تسطيع أن تتحمل هذا القرار وتتحمل تباعاته، قائلة: “أنا درسته كويس أوي وأتحمل الوحش بتاع قبل الحلو”.

وأوضحت الفتاة، أنها لا تريد أشياء كثيرة غير أن الشخص التي تريد أن ترتبط به غير أنه يكون جاد ويريد الزواج ومحترم، قائلة: ” كان ممكن أعمل زي البنات اللي على التيك توك اللي هي بتلبس لبس غير محترم وبتعمل حركات غير محترمة بس أنا أعلي من كدا عشان كدة عارضة نفسي للجواز على الفيس بوك واللي شايف نفسه جاد يبعتلي أنا مش هتكلم عن نفسي كتير ومش هقول تفاصيل بس اللي مهتم يعرف تفاصيل هيعرف يوصلي إزاي”.