بعد تقديم نفسها للزواج على فيس بوك.. مها أسامة: “خسرت شغلي” (صورة)

كشفت مها أسامة، الفتاة الثلاثينية والتي عرضت نفسها للزواج على موقع “فيس بوك”، أن عملها تخلى عنها، بعدما ظهرت في بث مباشر على حسابها الشخصي، وطالبت بالزواج ولكن بشكل جاد، نظرًا للظروف التي نمر بها بسبب إجراءات فيروس كورونا.

وكتبت أسامة على حسابها بموقع فيس بوك تدوينة فقالت: “خسرت شغلي، بس إن شاء الله اللي جاي أحسن”.

قدمت نفسها للزواج على فيس بوك.. مها أسامة: “لجأت لذلك بعد تخلي صديقاتي عني ورفضي عروض مُخجلة” (فيديو)

وفي وقت سابق، كشفت مها أسامة والتي تبلغ من العمر 32 عامًا، الأسباب التي دفعتها لتقديم نفسها للزواج على فيس بوك، فقالت: ” “أنا مكنتش بالجرأة دي طول عمري، بس اتعرضت للتنمر كتير ولإساءات كتير، وصديقاتي لما اتجوزوا تخلوا عني،والناس بدأت تبعد عني ولقيت هجوم عدائي من المجتمع تجاهي إن أنا لسه متجوزتش، ويتعرض عليا جوازات واقعة، ولقيت المجتمع بيرخص مني زيادة عن اللزوم، فكرة إن المجتمع مش قابلني دي قعدت فترة طويلة تراودني”.

وأضافت مها خلال مداخلة هاتفية مع برنامج “قعدة ستات” والمذاع على شاشة “القاهرة اليوم”، : “مش كل الجوازات اللي بتجيلي واقعة، بس في حاجات مفيهاش تناغم فكري، أو ارتقاء، ومؤخرًا بقى في عروض مخجلة.. فاللي هو إنتي كبرتي وهتوافقي، وأنا مش شايفة نفسي كبرت”.

واختتمت: “مش عيب أبدًا إن بنت تعمل كده، لأن في الظروف اللي إحنا فيها دي مافيش نوادي أو كافيهات البنت تتعرف على حد فيها، وكل الحاجات دي اتقفلت، حتى طلع تريند على فيس بوك إن اللي اتجوز اتجوز خلاص، وإن اللي لحق يعمل حاجه خلاص”.

لأول مرة وسط جدل.. فتاة ثلاثينة تعرض نفسها للزواج على “فيس بوك” بسبب إجراءات كورونا (فيديو)