صديق حسين الشحات يعلن نجاح جراحة الفتاق.. ويكشف دور محمود الخطيب في إجراء العملية

أعلن عبده عبيد صديق حسين الشحات لاعب فريق الأهلي نجاح عملية الفتاق التي أجراها صباح اليوم الأحد.

وكتب عبيد عبر حسابه الشخصي على موقع التواصل الاجتماعي “فيس بوك”: “اللهم لك الحمد ولك الشكر دلوقتي أنا نزلت صورة الصبح لاخويا وحبيبي حسين الشحات وكانت فقط من أجل ان كل الناس عندي تدخل وتدعيله عشان العملية رخمة وخصوصا انها كلاكيت تاني مرة”.

وتابع: “فوجئت بكمية سفالة وقلة أدب من بعض الناس اللي طبعا مش هينفع أرد عليهم”.

وأضاف: “نيجي بقي للناس المحترمة اللي سألت وهو إيه السبب في تأخير العملية لمدة 3 شهور”.

وأوضح: “أولًا اللاعب حسين الشحات ملك للنادي الاهلي ولا يستطيع فعل أي تصرف وخصوصًا عملية جراحية دون الرجوع إلى  النادي الأهلي لأن النادي فقط هو صاحب القرار”.

وأضاف: “النادي الأهلي قرر إجراء العملية للاعب في اول فترة توقف في ألمانيا ولكن طبقا لظروف البلاد منذ أكثر من 3 شهور لم يستطيع النادي تنفيذ العملية في الخارج، اللاعب طلب من الجهاز الطبي اجراء العملية داخل مصر وهو ما تم رفضه في البداية من جانب طبيب الفريق”.

وواصل: “طب ليه بقي العملية اتعملت دلوقتي، في لفتة طيبة من جانب الكابتن محمود الخطيب للاطمئنان علي حالة لعيبته اتصل باللاعب وكان الرد من جانب حسين إنه تعبان جدًا جدًا ومش عارف يوصل لقرار مع طبيب الفريق عشان يعمل العملية نظرًا لظروف وباء كورونا في البلد”.

وأشار: “والحمد لله تم الاتفاق مع دكتور متخصص لإجراء العملية وتم البحث عن مستشفي لإجراء العملية في أسرع وقت شكرًا بيبو على تدخلك في الوقت المناسب”.

وأكد: “وكمان عشان الناس الظريفة اللي علقت على بوست فلجول وإزاي عملية فتاق في مركز خصوبة وكمان سبحان الله هو دكتور اللي معلق وقال كدة، حابب أقولك يا فتك المستشفي اسمها مستشفي الزهور في أكتوبر وتقريبا كدة في قسم عندهم في المستشفي عاملينه مركز خصوبة احنا بقى الغرفة اللي قبل الباب ده دكاترة علي ما تفرج وربنا”.

وأتم: “اللهم أتم شفاؤك علي عبدك حسين علي الشحات شفاءا لا يغادر سقما برحمتك يا أرحم الراحمين”.

“القاهرة 24 “يكشف مدة غياب حسين الشحات وسبب تأخر اجراء جراحة “الفتاق”

حسين الشحات يخضع لعملية الفتاق