شريف منير:علم مصر موجود عندي في كل مكان حتى المطبخ وأوضة السفرة (فيديو)
قال الفنان شريف منير، إنه يحب الجلوس في المطبخ لساعات طويلة، وعندما يوجه رسائل حب لوطنه مصر، يبث الفيديو من داخل المطبخ ومن ورائه علم مصر.
وتابع منير، خلال لقائه مع الإعلامية مها الصغير في برنامجها “show time”: ” أنا قعدتي كلها في المطبخ، وناس كتير بتقعد تقولي هو أنت طول حياتك في المطبخ أيوه أنا طول حياتي في المطبخ، ولما بوجه رسائل في الفيديو لمصر بيبقى من المطبخ وورايا العلم، والعلم عندنا في أوضة السفرة وموجود في كل حته”.
View this post on Instagram
A post shared by CBC Egypt (@cbcegypt) on Jun 28, 2020 at 2:13pm PDT
كما كشف الفنان شريف منير، سبب عدم مشاركته في مسلسل “الاختيار”، والذي عرض في رمضان الماضي لعام 2020، بشخصية المقدم رامي حسنين قائد الكتيبة 103 صاعقة، ولكن تم إسناد الدور إلى الفنان أحمد صلاح حسني.
وأضاف :”أرجو الناس تفهمني، وأحمد صلاح حسني حبيبي، وأنا أتعرض عليا المقدم رامي حسنين قائد الكتيبة103، وأنا حبيت الدور جدًا، وقولتلهم موافق أطلع مشهد في العمل ده، وجالي الورق وقريته وذاكرته والمفروض بعد يومين هنصور”.
واستكمل: “قعدت أفكر وبعدين اكتشفت إن عندي دقن، فكلمت بيتر ميمي وقولتله ينفع أعمله بالدقن، فسألني ينفع تحلقها قولتله لا أن ده دوري أساسي في المسلسل التاني، وبعدين جه أحمد صلاح حسني، وأنا كنت هعمله بشكل مختلف ولكن عمله حلو اوي وبقولهم مبروك”.