أول تعليق من الطالب صاحب واقعة “العكاز” بامتحانات الثانوية العامة: “طلعت تريند” (فيديو)
علق أحمد هشام، طالب في الصف الثالث الثانوي بمدرسة جمال عبد الناصر، صاحبة واقعة “العكاز” الشهيرة، بامتحانات الثانوية العامة، على فيديو “القاهرة 24″، لرصد دخوله وهو يتكأ على “عكاز” وخروجه من غيره، بقوله: “عجبني الفيديو وطلعت تريند”.
وأضاف “هشام” في تعليقه لـ”القاهرة 24″: “طلعت تريند، بالفيديو بتاع العكاز، لما كنت طالع من امتحان اللغة العربية”، كاشفًا تفاصيل الواقعة بقوله: “كنت عاوز اروح بسرعة لإن حصلت مشكلة، ومسكت العكاز في إيدي ومشيت، وكنت يومها داخل اللجنة بالعكاز الأن عندي رباط صليبي وبمشي بيه أغلب الأوقات”.
بالعكاز.. طالب الثانوية العامة يكرر دخول اللجان بنفس الطريقة (فيديو)
وتابع الطالب بمدرسة جمال عبد الناصر: “فيه حد صورني من ضهري بالصدفة، فالناس فكرتني بضحك، وبستعمله في الغش أو إني يتعملي لجنة خاصة، وأنا مغلطتش ولا عملت حاجة من دي، وأنا عندي رباط صليبي من بدري، وكنت بحافظ على نفسي عشان ميحصلش مشاكل تانية”.
واستكمل أحمد هشام: “الناس بس شتمت، الفيديو عادي، وأنا هزرت وضحكت وهما عندهم حق يضحكوا ويهزروا”، مضيفًا: “مكنتش واخد بالي أن ده أنا، وواحد صاحبي اللي قالي فاضحكت وعجبني الفيديو، بس اللي مش عجبني بعض الناس اللي شتمت”.