عمرو محمود ياسين يعلق على واقعة السولية: “إيه المصيبة دي.. لازم الدولة تتحرك” (صورة)

علق المؤلف عمرو محمود ياسين، على التحرش اللفظي الذي تعرضت له الطفلة ابنة لاعب النادي الأهلي عمرو السولية، والتي تبلغ من العمر ثلاثة أعوام ونصف، معربًا عن استيائه من هذا الأمر، ومن عقول هؤلاء الشباب الذين تجردوا من الإنسانية.

وكتب عمرو محمود ياسين عبر حسابه الرسمي بموقع التواصل الاجتماعي “فيس بوك”، ليشير إلى تعجبه من هؤلاء الشباب فقال: “تخيلوا بنت عمرو السولية طالعه معاه في صور.. فالردود اللي بتتقال له من نوعية بنتك مكنه صيني.. بنتك.. إلخ إلخ..”.

وتابع: “ملحوظه ابنة عمرو السولية عمرها 3 سنوات ونصف!.. إيه يا جماعة المجتمع المريض اللي إحنا فيه ده، إيه المصيبة اللي إحنا فيها دي!.. لازم الدولة تتحرك وتجيب الناس دي والله.. لازم ننضف”.

أما لاعب كرة القدم، فقرر التقدم ببلاغات ضد كل من أرسل له رد غير لائق على صورته مع ابنته، حيث كتب عبر حسابه بـ”انستجرام”: “ليلى بنتي عندها 3 سنين ونص لسه قالعة البامبرز من كام شهر الكلام ده بيتقال على طفلة!!، أيه اللي يخلى بني آدم خنزير ممكن يبص على لبس طفلة ويركز غير أنه فعلاً خنزير؟!”.

وتابع: “أيه المرض ده! دول اللي لما بيكبروا بيكونوا مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم، اتمنى الشيوخ اللي بيبرروا للتحرش ولبس البنت يكونوا مبسوطين دلوقتى وهما شايفين اللي بيحصل”.

واختتم: “قررت اتقدم ببلاغات لأصحاب الكومنتات دى عشان اللي زى دول مينفعش يكبروا وسطنا قررت احمي بناتي اللي لسه مشافوش الدنيا وللأسف خايف عليهم يشوفوا كمية القرف والاشمئزاز ده”.

عمرو السولية يعلن تقدمه ببلاغات ضد أشخاص تحرشوا بطفلته (صور)

“مجتمع عجيب”.. عمرو محمود ياسين يدافع عن إسعاد يونس بعد مقال “فتزحية”