ياسمين غيث تدعو الفتيات للتحرر من القيود: “ماتخافيش من أهلك والناس” (صورة)

وجهت الفنانة ياسمين غيث رسالة للفتيات ودعتهم لعدم السكوت عن حقوقهم والتعبير عن آرائهم بكل حرية، وتجاهل أية عراقيل أو عقبات في مشوارهم بالحياة.

ونشرت ياسمين غيث صورة لها عبر حسابها الشخصي بموقع الصور والفيديوهات “انستجرام”، وقالت: “ارفعي راسك، اضحكي براحتك، اتكلمي علشان عندك صوت حلو و مسموع، حتى لو صوتك وحش اتكلمي برده”

وأضافت: “ماتخافيش من أهلك، ماتخافيش من فكرة الناس هيقولوا عليا إيه، همه كدة كدة بيقولوا، فمش مهم أبدا هم رأيهم إيه، علشان همه مش إنتي، ماعادوش باللي عديتي بيه، و لا شافوا اللي شوفتيه، مش بتكلم عن التحرش بس، لأ بتكلم عامتا”. وتابعت: “إحنا لينا صوت، وصوتنا مسموع، إحنا بنصنع بنيأدمين بقدرة ربنا جوانا و لما بينفصلوا عننا، إحنا بنخلي المستحيل طبيعي وعادي، ولما بنعوز نعمل حاجة بنعملها، إحنا بنعرف نعمل ميت حاجة في نفس الوقت، ومابنشتكيش، إحنا معجزة ماشية على الأرض، وآه أخيرا غيرت لون شعري يا جماعة”. وكانت غيث كشفت عن موقف تعرضت به للتحرش، أثناء تعرضها للتحرش في مرحلة الدراسة من أحد المدرسين في المرحلة الثانوية، مؤكدة أن تلك الحادة تسببت في حدوث صدمة كبيرة لها، تركت المدرسة على آثرها، ونصحت الأمهات بضرورة الاستماع لبناتهن ودعمهن.

ياسمين غيث تروي موقفًا مضحكًا مع ابنها أثناء دراسته “أون لاين” (صورة)